Պատգամավորի սեքսուալ լուքը համացանցում քննարկման առիթ է դարձել

ԱԺ «Իմ քայլը» խմբակցության անդամ Աննա Կարապետյանը ԱԺ ամբիոնից ելույթ է ունեցել տոնական հագուստով: Պատգամավորի հագուստին է անդրադարձել ֆեյսբուքյան օգտատեր Մարինե Մանուչարյանը.

«Երեկ պրոտոկոլի մասին դասախոսության էի: Հետաքրքիր կլիներ իմանալ, թե արդյոք սա Ազգային ժողովին դիմելու, օրենսդիր մարմնում ելույթ ունենալու, կարելի է ասել հանրապետության բարձրագույն ամբիոնից խոսելու պատշաճ տեսք է, թե ոչ:

Ես հասկանում եմ՝ կարող ա սրանից հետո հարսանիքի կամ կնունքի հրավիրված լինեն, բայց հարկատուները նրանց աշխատելու համար աշխատասենյակ են հատկացնում, որտեղ կարող են հավելյալ հագուստ պահել նման դեպքերի համար, բայց սենց, ուսերը բաց, հլա նորմալ չեմ հասկանում էն ժանյակը մարմնի որ մասում ա ավարտվում, էս տեսքով հանդես գալ ԱԺ ամբիոնից:

Չգիտեմ: Կարող ա ես եմ ամեն ինչ սխալ հասկանում, սխալ գիտեմ: Բայց էս գրողի տարածը մածունով պատարագ եք սարքել լրիվ: Մի´ արեք, պարզապես մի´ արեք: Հարգեք էդ ամբիոնը»: