Մոուրինյոյի արձագանքը Մխիթարյանի գոլին եւ գնահատականը Ռեշֆորդին, Լինգարդին, Իբրահիմովիչին ու Մարտիաին (Տեսանյութ)

-- by Video-Sport

Անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն դժգոհ է մնացել իր թիմից բելգիական «Անդերլեխտի» դեմ Եվրոպայի լիգայի քառորդ եզրափակիչի առաջին խաղում, որն ավարտվեց 1:1 հաշվով:

«Մենք ունեինք շանսեր, տիրում էինք գնդակին, բայց խփեցինք ընդամենը մեկ գոլ: Դա ռիսկ է: Մենք ունեինք ինտրիգը սպանելու բազմաթիվ լավ շանսեր, բայց մենք դրանք վատնում էինք գնդակը վատ ընդունելու, կորցնելու, սխալ որոշումների հետեւանքով: Մենք կազմակերպված խաղացինք պաշտպանությունում, բայց մրցակցի մեկ պահը հանգեցրեց գոլի:

Ավելի լուրջ պետք է խաղալ: Պաշտպանները լավ աշխատանք կատարեցին, բայց նրանք, ովքեր պետք է վճռեին հանդիպման ելքը, դա չարեցին: Ռեշֆորդը, Լինգարդը, Իբրահիմովիչն ու Մարտիալը ցուցադրեցին շատ միօրինակ ֆուտբոլ»,- Մոուրինյոյի խոսքը մեջբերում է BBC-ն:

Հիշեցնենք, որ անգլիական թիմի գոլը խփել է Հայաստանի հավաքականի կիսապաշտպան Հենրիխ Մխիթարյանը:

La celebración de José tras el gol de Mkhitaryan :-) pic.twitter.com/sVSH0Qt1Ox

— Wikimourinho (@Wikimourinho) 13 апреля 2017 г.