Աշակերտները մնացել են առանց դասամատյանների. գնումը չի կայացել. բանը հասել է կառավարության որոշմանը

Կառավարության այսօրվա՝ հունիսի 20-ի նիստում որոշվեց 5-11-րդ դասարանների դասամատյանների գնման գինը 410 դրամից դարձնել 450 դրամ:

Բանն այն է, որ 5-11-րդ դասարանների համար նախատեսված դասամատյանների գնման գործընթացը հայտարարվել է չկայացած՝ ոչ մի հայտ հրավերի պահանջներին չհամապատասխանելու հիմքով:

Կատարված ուսումնասիրության արդյունքում ձևավորվել է 5-11-րդ դասարանի դասամատյանի 1 միավորի նոր գին՝ 450 դրամ: Ելնելով ստեղծված իրավիճակից անհրաժեշտություն է առաջացել «Կրթական հաստատությունների ուսումնական նյութերով ապահովում» ծրագրում, հաշվի առնելուվ հուշամեդալների և առաջադիմության մեդալների մասով կանխատեսվող խնայողությունը, կատարել փոփոխություն եւ 633.6 հազար դրամ գումարն ուղղել դասամատյանների գնմանը :

Որոշման նպատակը 2019-2020 ուսումնական տարում 5-11-րդ դասարաններում դասամատյաններով ապահովումն է: