Հայ պաշտոնյաները ընտրություններով ոգեւորվեցին եւ մոռացան ռազմավարական կարեւորության ճանապարհների մասին
Գարնան գալուն պես Հայաստանում բնությունը ծաղկում է…եւ վատանում ճանապարհների վիճակը:
Սովորաբար սառույցի հալչելուց հետո ճանապարհային ծածկույթը մի քանի անգամ վատանում է, եւ ահա՝ ուղեգոտու հատվածում խոչընդոտների շերտ է առաջացել: Մայրաքաղաքում ընտրություններից առաջ խնդիրը մասամբ լուծվեց, իհարկե՝ տեղ-տեղ մնացին ասֆալտելու համար «նախապատրաստված» «քառակուսի փոսերը», որոնք այդպես էլ չլցվեցին ասֆալտով: Դե իսկ մարզերում անգամ սա չի արվել:
Դիլիջան-Իջեւան ճանապարհը Երեւանը Վրաստանի սահմանի հետ կապող մայրուղու մի մասն է: Այն նաեւ Տավուշի մարզի սահմանամերձ գյուղեր տանող մայրուղու մասն է: Ներկայիս վիճակի պայմաններում ճանապարհով ժամում 70 կմ-ից բարձր արագությամբ երթեւեկելը հղի է մեքենան ջարդելու հավանականությամբ՝ անհարթություններ, փոսեր, դարուփոսեր: Ըստ ամենայնի՝ մարզը ճանապարհային ծածկույթի հետ ղեկավարությունից էլ է զրկվել, քանի որ ապրիլի առաջին տասնօրյակի վերջի դրությամբ վերանորոգման որեւէ աշխատանք անգամ չի սկսվել: Մինչդեռ նախընտրական արշավի ժամանակ մարզ բարձրագույն ղեկավարության այցից առաջ փոսերը քիչ թե շատ լցվել էին ավազով:
Ճանապարհների խնդիրը զուտ գեղագիտական չէ, հատկապես՝ եթե խոսքը միջպետական, ավելին՝ ռազմավարական նշանակության ճանապարհներին է վերաբերում: Անշուշտ, կարելի է մշտապես ամեն ինչ ֆինանսների բացակայությանը, նյութական եւ այլ խնդիրներին վերագրել: Սակայն պաշտոնյաները կարող էին սկսել գումար տնտեսել, օրինակ՝ ծառայողական ավտոմեքենաների հաշվին, եւ դրանով իսկ փող «հայթայթել» ճանապարհները պատշաճ վիճակում պահելու համար: Կարելի է կարծել, որ ճանապարհների վիճակը պաշտոնյաների համար առաջնահերթ կարեւորության հարց չէ նաեւ այն պատճառով, որ նրանք դարուփոսերում ջարդոտում են ոչ թե արդար քրտինքով ձեռք բերած սեփական մեքենաները, այլ ծառայողական: Այլ խոսքով՝ վերանորոգման կամ նոր մեքենա գնելու համար պետությունն է վճարում:
Անցյալ տարվա ապրիլյան իրադարձությունները, բացի իրենց ողբերգականությունից, բանակային շինարարության հզոր խթան դարձան: Մի՞թե համանման ցնցում է հարկավոր, որպեսզի ռազմավարական նշանակության ճանապարհները պատշաճ վիճակում պահվեն:
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Եթե Իրանի քաղաքացիները ցանկանում են տապшլել ռեժիմը, դա նրանց գործն է․ Վենս
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...