ՈւԵՖԱ-ի եկամուտն անցած մրցաշրջանում կազմել է 4.58 միլիարդ եվրո

Անցած մրցաշրջանի արդյունքում ՈւԵՖԱ-ն ունեցել է 4.58 միլիարդ եվրո եկամուտ, հաղորդում է կազմակերպության մամուլի ծառայությունը։

2.16 միլիարդը հեռուստատեսային իրավունքի վաճառքից է, 928 միլիոնը՝ առեւտրային իրավունքի վաճառքից, 286.5 միլիոնը՝ տոմսերի վաճառքից, 142.4 միլիոնը՝ հյուրընկալության ծառայությունների վճարներից։ Նախանցած մրցաշրջանում ՈւԵՖԱ-ի եկամուտը եղել էր 2.099 միլիարդ եվրո։

Ամենամեծ եկամուտով մրցաշարը Չեմպիոնների լիգան է, որի հեռուստաիրավունքի վաճառքից ստացվել է 1.65 միլիարդ եվրո։

Անցած մրցաշրջանում ՈւԵՖԱ-ն ծախսել է 3.31 միլիարդ եվրո։ Նախանցած մրցաշրջանում ՈւԵՖԱ-ի ծախսը եղել էր 1.98 միլիարդ եվրո։

news.am