Լևոն Արոնյանը ՖԻԴԵ-ի վարկանիշային աղյուսակում մնում է 9-րդ հորիզոնականում

Շախմատի միջազգային ֆեդերացիան հրապարակել է վարկանիշային դասակարգման նոր աղյուսակը:

Ապրիլի 1-ի դրությամբ գրոսմայստեր Լևոն Արոնյանը շարունակում է զբաղեցնել իններորդ հորիզոնականը, հայտնում է ՀԱՕԿ-ի պաշտոնական կայքը:

Աշխարհի ուժեղագույն շախմատիստների առաջին տասնյակում են` Մագնուս Կարլսեն (Նորվեգիա, 2838), Ուեսլի Սո (ԱՄՆ, 2822), Ֆաբիանո Կարուանա (ԱՄՆ, 2817), Վլադիմիր Կրամնիկ (ՌԴ, 2811), Մաքսիմ Վաշյե-Լագրավ (Ֆրանսիա, 2803), Հիկարու Նակամուրա (ԱՄՆ, 2793), Վիշվանաթան Անանդ (Հնդկաստան, 2786), Սերգեյ Կարյակին (ՌԴ, 2783), Լեւոն Արոնյան (Հայաստան, 2774), Շահրիյար Մամեդյարով (Ադրբեջան, 2772):

Լավագույն հարյուրյակում են նաեւ հայ գրոսմայստերներ Սերգեյ Մովսիսյանը (67-րդ, 2677), Վլադիմիր Հակոբյանը (70-րդ, 2675) եւ Գաբրիել Սարգսյանը (86-րդ, 2666):

Կանանց վարկանիշային աղյուսակում Էլինա Դանիելյանը 42-րդն է (2473), Լիլիթ Մկրտչյանը` 48-րդը (2425): Առաջին եռյակում են Հոու Յիֆանը (Չինաստան, 2649), Ցզյույ Վենցզյունը (Չինաստան, 2596), Աննա Մուզիչուկը (Ուկրաինա, 2587):

tert.am