D վիտամինի ավելցուկը նույնպես վտանգավոր է, ինչպես դրա պակասը
D վիտամինի պակասը, իհարկե, վտանգավոր է, սակայն պակաս վտանգավոր չէ այս վիտամինի ավելցուկը: Այս մասին հայտնում է CMAJ ամսագիրը:
Տորոնտոյի համալսարանից բժիշկ Բորն Օգյուստը պնդում է, որ չափազանց հազվադեպ է տեղի ունենում D վիտամինով թունավորում, սակայն չարժի մոռանալ, որ այսօր դրա հիմքով զանազան դեղամիջոցներն ազատ վաճառվում են ցանկացած դեղատանը եւ խանութում, եւ որ դրանք կարող են սպառնալիք ներկայացնել անտեղյակ մարդկանց առողջությանը:
Որպես օրինակ է բերվում մի կանադացու դեպքը, որը բժիշկներին էր դիմել երիկամների խնդիրներով: Ստանդարտ հետազոտությամբ, ներառյալ մեզի անալիզով շեղումներ չեն հայտնաբերվել: Բժիշկները, սակայն, պացիենտի արյան մեջ հայտնաբերել են կալցիումի եւ պարատիրինի, արյան մեջ դրա դուրսբերմանը նպաստող հորմոնի անոմալ բարձր պարունակություն: Նման բան տեղի է ունենում մեծ քանակությամբ D վիտամին ընդունելու դեպքում, քանի որ այն նպաստում է սնունդից ֆոսֆորի եւ կալցիումի ներծծմանը:
Պարզվել է, որ տղամարդն իսկապես վերջին 3 տարում D վիտամինի ահռելի չափաքանակներ է ընդունել, չնայած այս վիտամինի մակարդակը նրա օրգանիզմում ցածր չէր: Իրավիճակը սրվել է Հարավարեւելյան Ասիա ուղեւորությունից հետո, որտեղ տղամարդը շատ ժամանակ է անցկացրել արեւի տակ (հենց արեգակի ճառագայթների ազդեցությամբ է օրգանիզմում D վիտամին առաջանում):
Տղամարդուն կալցիումի նվազագույն պարունակությամբ սննդակարգ եւ հիդրոկսիքլորոխին են նշանակել, որը նպաստում է D վիտամինի ապաակտիվացմանը եւ այն օրգանիզմից դուրս բերելուն: Սակայն չի հաջողվել երիկամների ֆունկցիան ամբողջությամբ վերականգնել. հիմա տղամարդը տառապում է քրոնիկական հիվանդությամբ:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ