Ընտրություն անավարտ սարսափի և սարսափելի ավարտի միջև

Կառավարության «տնտեսական հեղափոխության» վերջին հանգրվանը լինելու է պետական պարտքի ավելացումը։

Ուրիշ տարբերակ չի մնալու, քանզի մեղավորության կանխավարկածի ներդրման արդյունքում կապիտալը փախչելու է աննախադեպ ծավալներով (այդ գործընթացն արդեն սկսված է), քաղաքական մթնոլորտի ու անորոշության արդյունքում ներդրումային սպասումները չեն իրականանալու, հարկային բեռի դե յուրե և դե ֆակտո ավելացման արդյունքում բիզնես միջավայրը վատանալու է տնտեսվարող բոլոր շերտերի համար, և բանկային գաղտնիքի վերացման արդյունքում կանգնելու ենք փողի դեֆիցիտի առաջ։

Հուսով եմ, որ ինչ–ինչ զարգացումներից հետո իշխանությունը չի գնա վերջին սխալ քայլին՝ դրամական էմիսիային կամ տնտեսության ինֆլյացիոն ֆինանսավորմանը։ Թեև ամեն ինչ կարող է դրան հանգել։ Այդ դեպքում ընտրություն կկատարվի անավարտ սարսափի և սարսափելի ավարտի միջև։

Դժվար չէ կռահել, թե որ ճանապարհով կգնա «տնտեսական հեղափոխությունը»։

Անդրանիկ Թևանյանի ֆեյսբուքյան էջից