2030 թվականին տիեզերական ծառայությունների շուկան կրկնակի կաճի
Ներկայիս դրությամբ տիեզերական ծառայությունների շուկան գնահատվում է 400 մլրդ դոլար, սակայն 2030 թվականին այդ կրկնակի կաճի՝ համաձայն UBS-ի վերլուծաբանների կանխատեսումների: Առաջիկա տասնամյակում տիեզերական զբոսաշրջությունն էլ ավելի պահանջված կդառնա: Տիեզերքի սահմանագծում կարճատեւ ժամանցային թռիչքները կզարգացնեն նոր ճյուղը՝ հրթիռներով արագընթաց ենթաուղեծրային թռիչքները, հաղորդում է HighTech-ը:
«Տիեզերական զբոսաշրջությունը դեռեւս ձեւավորման փուլում է, սակայն երբ տեխնոլոգիան լայն տարածում ստանա եւ գնիջեցում լինի, ոլորտը հանրամատչելի կդառնա»,- CNBC-ը մեջբերում է հետազոտողների խոսքերը:
Ներկայումս նմանօրինակ նախագիծ է մշակում SpaceX-ը: Դեռեւս 2017 թվականին Իլոն Մասկի ընկերությունը հայտարարել էր, որ իր Starship օդանավը կկարողանա հաշված րոպեների ընթացքում տեղափոխել հարյուրավոր ուղեւորների Երկրի տարբեր ուղղություններով: Նախ օդանավը կկիրառվի դեպի Մարս եւ Լուսին թռիչքների համար, սակայն Starship-ը կկիրառվի նաեւ տարբեր մայրցամաքների միջեւ թռիչքների դեպքում:
SpaceX-ը խոստանում է, որ Նյու Յորքից Շանհայ հնարավոր կլինի հասնել հրթիռային ինքնաթիռով ընդամենը 40 րոպեում: Սովորական ինքնաթիռով թռիչքի տեւողությունը գերազանցում է 15 ժամը:
UBS-ի վերլուծաբանները վստահ են, որ փոխադրման այդպիսի մոդելը կհետաքրքրի բազմաթիվ ընկերություններին: Այդ ծառայության պահանջարկն արդեն գրանցվել է: Ինչպես ցույց է տվել բանկի հարցումը, ինքնաթիռների ուղեւորների ավելի քան 10 տոկոսը, որոնք պարբերաբար օգտվում են այդ ծառայությունից, գերադասում են ինքնաթիռը փոխարինել տիեզերական փոխադրամիջոցով նշանակետին ավելի արագ հասնելու համար:
Արդեն 2030 թվականին կարճ հրթիռային չվերթների շուկան կկազմի շուրջ 20 մլրդ դոլար: Համեմատության համար նշենք, որ տիեզերական զբոսաշրջության շուկան այդ ժամանակահատվածում կկազմի ընդամենը 30 մլրդ դոլար:
Մասնավոր ընկերություններն արդեն միլիոնավոր դոլարներ են ներդրել տիեզերական ծառայությունները զարգացնելու նպատակով: Դեռեւս մեծամասնությունը զբաղված է միայն բեռնափոխադրումներով, սակայն շատերն արդեն դիտարկում են ուղեւորափոխադրումների ոլորտը եւս: Դրանց շարքում են ոչ միայն SpaceX-ը, այլ նաեւ Virgin Galactic-ն ու Blue Origin-ը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները