Հայ–թուրքական սահմանը խախտած ու Հայաստանից արտաքսված թուրք գործիչը Էրդողանի դեմ կուսակցություն է ստեղծում

Հայ–թուրքական հարաբերությունների կարգավորման փորձերի ժամանակ «Հզոր Թուրքիա» կուսակցության նախկին նախագահ Թունա Բեքլեւիչը Թուրքիայի նախագահ Ռեջեփ Թայիփ Էրդողանի դեմ Hayır (ոչ) անունով կուսակցություն է ցանկանում գրանցել։

Թուրքական Demokrathaber կայքի փոխանցմամբ՝ Թունա Բեքլեւիչը հայտարարել է, թե ստեծել է «Ոչ» անունը կրող կուսակցություն, սակայն արդեն 45 իշխանությունները ձգձգում են կուսակցության գրանցումը։

Նա պնդել է, թե նախագահական համակագի անցնելու դեմ հանդես եկող իր նորաստեղծ հզոր կուսակցությունը երկիրը փրկող գլխավոր ուժն է լինելու։ Բեքլեւիչը շեշտել է, թե արդեն այցելել է 57 քաղաք ու 153 շրջան՝ իրականացնելով Էրդողանի դեմ քարոզչություններ։

Նշենք, որ Թունա Բեքլեւիչը հայ հասարակությանը հայտնի դարձավ 2010 թվականին, երբ Հայաստան այցի ժամանակ հայտարարել էր, թե իբր մի խումբ երիտասարդների հետ ի նշան բողոքի հայ–թուրքական սահմանի դեմ, կարճ ժամանակով անցել են հայ–թուրքական սահման հանդիսացող Ախուրյան գետը։ Սակայն հայ–թուրքական սահմանը հսկող ՌԴ սահմանապահները հերքել են սահմանը խախտելու փաստը, որից հետո Թունա Բեքլեւիչին արտաքսել էին Հայաստանից։

 NEWS.am