ԱՄՆ քննադատությունն ուղղված էր ՀՀ նոր իշխանության կողմից ԱՄՆ-ին տրված խոստումներից հրաժարվելու հետ. Ղազինյան
ԱՄՆ դեսպանությունն արձագանքեց Հայաստանի իշխանությունների՝ Սիրիա հայկական զորախումբ ուղարկելու որոշմանն եւ փաստին։ Այս մասին ֆեյսբուքյան իր էջում գրել է Եվրոպական ուսումնասիրությունների կենտրոնի տնօրեն Արթուր Ղազինյանը:
Նա, մասնավորապես, նշել է.
«ԱՄՆ նախագահի ազգային անվտանգության հարցերով խորհրդական Բոլթոնի Հայաստան կատարած այցի ընթացքում Փաշինյանը ներկայացրել է իրենց այդ որոշումը, ինչն ընդունվել է ի գիտություն եւ լուրջ առարկությունների չի արժանացել։
Ներքին համոզմունք ունեմ, որ այս քննադատությունն ուղղված էր ոչ այնքան Սիրիա զորախումբ ուղարկելու, որքան ՀՀ նոր իշխանության կողմից ԱՄՆ-ին տրված խոստումներից հրաժարվելու հետ։
Թե կոնկրետ ինչ է խոստացել Փաշինյանը ԱՄՆ-ին, իհարկե դժվար է ասել, բայց վերլուծելով վերջին ամսվա ընթացքում տեղի ունեցած իրադարձություններն ու շրջադարձերը, կարելի է եզրակացնել, որ դրանք շատ լուրջ են եղել եւ Միացյալ նահանգները հետեւողական են լինելու տրված խոստումների իրագործման հարցում։
ԱՄՆ դեսպանատան սուր արձագանքը, ամենայն հավանականությամբ, պայմանավորված է Փաշինյանի Արցախի հակամարտության վերաբերյալ արված՝ տարածքներ խաղաղության դիմաց բանաձեւից հրաժարվելու մասին արված հայտարարությամբ եւ այս ամսվա վերջում Իրան կատարելիք այցով։
Արցախյան հակամարտության կարգավորման հարցում Հայաստանի նոր իշխանությունների ունեցած դիրքորոշման կոշտացումը տեղի ունեցավ Դավոսի հանդիպումից հետո, քանի որ մինչ այդ տեղի ունեցած Փաշինյանի ու Ալիեւի երկու եւ ԱԳ նախարարների 4 հանդիպումներից հետո Ադրբեջանը ցուցաբերում էր աննախադեպ լավատեսություն։
Այս լավատեսության հետքն անգամ չմնաց Փաշինյանի դիրքորոշման կոշտացման արդյունքում եւ Ադրբեջանից արդեն սկսեցին հնչել ռազմատենչ եւ պատերազմ սկսելու հայտարարություններ։
Իրանի գործոնը նույնպես կարեւոր է, քանի որ իր վարչապետ նշանակվելուց հետո Փաշինյանը առանձնակի կարեւորություն չէր տալիս Իրանին, ինչը, բնակամաբար, առաջացնում էր ԱՄՆ դրվատանքն ու համաձայնությունը։
Նշված իրողություններն ընդամենը վարկածներ են, սակայն ցավալիորեն մոտ են իրականությանը եւ ստիպում են լրջորեն մտահոգվել Հայաստանի անվտանգության հեռանկարով։
Գարունը թեժ է լինելու, տա աստված, որ Հայաստանն ավելի ուժեղացած դուրս գա այս փորձությունից։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է