Փայլանը հրապարակել է Սորոսի հետ Էրդողանի լուսանկարը

Թուրքական մամուլում վերջին օրերին ակտիվորեն շրջանառվում է Թուրքիայի նախագահ Ռեջեփ Թայիփ Էրդողանի և ներդրող, բիզնես-մագնատ Ջորջ Սորոսի լուսանկարը։

Լուսանկարը շրջանառվում է գործարար, Հայոց ցեղասպանությունը ճանաչող ու ազատական հայացքներով աչքի ընկնող Օսման Քավալայի վերաբերյալ Էրդողանի հնչեցրած խոսքերի համատեքստում: Այս մասին հայտնում է Ermenihaber-ը:

Էրդողանը Քավալային մեղադրել էր Թուրքիայում Ջորջ Սորոսի ներկայացուցիչը լինելու և վերջինի գիծն առաջ տանելու մեջ:

2003 թվականին Դավոսում Էրդողանի ու Սորոսի հանդիպումը պատկերող լուսանկարը սոցցանցում հրապարակել է նաև Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) Դիարբեքիրից ընտրված մեջլիսի հայ պատգամավոր Գարո Փայլանը՝ կցելով հետևյալ գրառումը.

«Էրդողանն ասում է՝ «Գեզիի իրադարձությունները ֆինանսավորող մի անձ բանտում է: Ո՞վ է կանգնած նրա հետևում: Հայտնի հունգարացի հրեա Սորոսը»։ Լուսանկարում Էրդողանը և ԱԶԿ-ի (Էրդողանի գլխավորած Արդարություն և զարգացում կուսակցություն) խոսնակ Օմեր Չելիքը հանդիպում են Սորոսի հետ: Եթե Սորոսի հետ հանդիպումն այն ժամանակ հանցանք չէր, ապա ինչո՞ւ է հիմա հանցանք»:

Նշենք, որ մեկ տարի առաջ կալանավորված Օսման Քավալայի վերաբերյալ դեռևս մեղադրական եզրակացություն կազմված չէ, սակայն Էրդողանը հասցրել է հայտնի գործարարին մեղադրել 2013-ին Ստամբուլի Գեզի այգուց սկսված և Թուրքիայի մյուս քաղաքներ տարածված հայտնի բողոքի ցույցերը ֆինանսավորելու մեջ:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին