Հայկական երաժշտություն, տոլմա, հարիսա և գինի. հայկական մշակույթին նվիրված երեկո՝ Ստամբուլի հայաշատ Շիշլի շրջանում

Ստամբուլի հայաշատ Շիշլի շրջանի ղեկավարությունը «Մշակույթներն իրար են նայում» նախաձեռնության շրջանակներում հայկական մշակույթի երեկո է կազմակերպել Շիշլիի Ֆերիքյոյ թաղամասի մշակութային սրահներից մեկում, գրում է Ստամբուլի հայկական պարբերականներից «ՀայԹերթը»:

Նշվում է, որ երեկոյին մասնակցել են հայազգի, թուրք և այլ ազգերի ներկայացուցիչ բազմաթիվ արվեստի գործիչներ, մտավորականներ, հասարակական գործիչներ և պարզապես Շիշլիի բնակիչներ:

Հայկական երաժշտական կատարումներով մեկնարկած միջոցառմանը հյուրերին բաժանվել է հայկական տոլմա, թոփիկ, հարիսա, գինի և քաղցրավենիք, քննարկումներ են անցկացվել հայկական մշակույթի և ավանդույթների մասին, ներկայացվել է հայկական թեմայով հրատարակված գրքեր:

Հայտնի է, որ «Մշակույթներն իրար են նայում» նախաձեռնության շրջանակներում Շիշլիի ղեկավարությունը պատրաստվում է առաջիկա 4 շաբաթների ընթացքում կազմակերպել նաև հունական, հրեական ու ալևիական մշակույթներին նվիրված հատուկ երեկոներ:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին