«Հարուստ ռուսները» մեքենայից 50.000 ռուբլի են նետել մարդկանց վրա ու կատարվածը տեսանկարահանել (տեսանյութեր)

Ռուսաստանի Սանկտ Պետերբուրգ քաղաքի «Գոստինիյ դվոր» շրջանում մեքենայի միջից հազար ռուբլիանոցներով 50.000 ռուբլի են նետել անցորդների վրա:

Lenta.ru-ի հրապարակած տեսանյութում երևում է, որ զարմացած անցորդները շտապել են հավաքել գումարը, թղթադրամներն իսկական են եղել:

Տեսանյութը կարող եք դիտել այստեղ:

Ավելի ուշ Instagram-ի richrussiankids էջում տեսանյութ է հայտնվել, որն արվել է մեքենայի ներսում ու ցույց է տալիս դիմակավորված երիտասարդի, որի ձեռքում կա 50.000 ռուբլի: Նա ասում է, որ այս գումարը Սանկտ Պետերբուրգում միջին աշխատավարձն է կազմում:

«Եվ դուք սրա համա՞ր եք ձեզ կոտորում»,- ասում է տեսանյութի հերոսը, ում պնդմամբ՝ փողը միայն «թղթի կտորներ են»:

Նա տեսախցիկի առաջ սկսում է նետել թղթադրամները, տեսանյութում լսվում են զարմացած անցորդների արձագանքները:

Տեսանյութը կարող եք դիտել այստեղ: