Որ դեպքում Իրանը կվերսկսի ԱՄՆ-ի հետ բանակցությունները

Իրանի նախագահի աշխատակազմի ղեկավարի տեղակալ Համիդ Աբութալեբին հայտարարել է, որ Միացյալ Նահանգներ-Իրան բանակցությունները հնարավոր կլինեն միայն այն դեպքում, երբ Վաշինգտոնը վերադառնա 2015թ. Թեհրանի և «միջնորդ վեցյակի» միջև կնքված միջուկային համաձայնագրին, գրում է ria.ru-ն:

«Նրանք, ովքեր երկխոսությունն ընդունում են որպես քաղաքակիրթ հասարակություններում վեճերի լուծման մեթոդ, պետք է նաև կատարեն հետևյալ 3 բաները՝ հարգեն Իրանի հզոր ազգը, կրճատեն ռազմական գործողությունների ծավալը, վերադառնան միջուկային գործարքին: Վերջին կետը երկխոսության համար պարտադիր պայման է, միջուկային համաձայնագիրը պետք է կնքված լինի»,- իր թվիթերյան միկրոբլոգում գրել է պաշտոնյան:

ԱՄՆ նախագահ Դոնալդ Թրամփը մայիսին հայտարարել էր համաձայնագրից դուրս գալու մասին՝ նշելով, որ պատրաստվում է վերականգնել Իրանի նկատմամբ նախկին պատժամիջոցները:

Սակայն «վեցյակի» մյուս անդամները դեմ են ԱՄՆ-ի վարած քաղաքականությանն ու պատրաստվում են պահպանել Իրանի հետ կնքված միջուկային համաձայնագիրը:

Նախագահ Թրամփը հուլիսի 30-ին չէր բառացել իրանցի պաշտոնակից Հասան Ռոհանիի հետ առանց նախապայմանների հանդիպումը: Նա ընդգծել էր, որ հանդիպման ցանկությունը պետք է բխի Իրանից:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում