ԱՄՆ-ն պատժամիջոցներ կսահմանի Իրանի հետ բիզնես վարող եվրոպական ընկերությունների դեմ. Թրամփ

Միացյալ Նահանգների նախագահ Դոնալդ Թրամփը հայտարարել է, որ Վաշինգտոնը պատժամիջոցներ կսահմանի այն եվրոպական ընկերությունների դեմ, որոնք բիզնես կվարեն Իրանի հետ:

Միացյալ Նահանգների 72-ամյա ղեկավարն այս մասին ասել է Fox News-ի եթերում:

Երբ լրագրողը հետաքրքրվել է նախագահից՝ արդյոք նա պատժամիջոցներ կսահմանի Իրանի հետ բիզնես վարող եվրոպական ընկերությունների դեմ, Թրամփը պատասխանել է.«Այո՛, իհարկե: Դա այն է, ինչ մենք միանշանակ անելու ենք»:

Հիշեցնենք, որ ավելի վաղ Թրամփը հայտարարել էր Իրանի հետ միջուկային համաձայնագրից դուրս գալու ու դրա շրջանակում չեղարկված պատժամիջոցների մի մասը վերականգնելու մասին:

Իրանն ու «միջնորդ վեցյակը» 2015թ. հուլիսի 14-ին պատմական համաձայնության էին եկել իրանական ատոմային երկարամյա խնդրի կարգավորման հարցում. Գործողությունների համատեղ համապարփակ ծրագիր է ընդունվել, որի իրագործմամբ վերացվում են Իրանի դեմ ՄԱԿ-ի ԱԽ-ի, ԱՄՆ-ի և Եվրամիության սահմանած տնտեսական և ֆինանսական պատժամիջոցները:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում