Ադրբեջանի առողջապահության նախկին նախարարը կմնա բանտում

Դատարանի որոշումով մեկ ամսով երկարացվել է Ադրբեջանի նախկին առողջապահության նախարար Ալի Ինսանովի կալանավորման ժամկետը, հայտնում է Ազատություն ռադիոկայանը։

Փաստաբան Տոգրուլ Բագիրովի խոսքով, պաշտպանության կողմը մտադիր է վերաքննիչ բոլոք ներկայացնել։

Ալի Ինսանովին կալանավորել են 2005-ի հոկտեմբերին։ Նրան մեղադրանք են առաջադրել պետական միջոցները յուրացնելու ու պետական ակտիվների ապօրինի սեփականաշնորհման համար։ 2007-ի ապրիլին Բաքվի ծանր հանցագործությունների դատարանի վճռով նա դատապարտվել էր 11 տարվա ազատազրկման՝ ունեցվածքի առգրավումով ու պետական պաշտոններ զբաղեցնելու հետագա եռամյա արգելքով։

2016-ի օգոստոսի 24-ին Ալի Ինսանովի դեմ նոր քրեական գործ է հարուցվել ՔՕ 234․1, 315․2 ու 317․2․1 հոդվածներով։ Նրան մեղադրում էին այդ թվում թմրադեղեր ձեռք բերելու, պահելու ու իրացնելու, ուղղիչ հաստատություններում գտնվող անձանց համար արգելված առարկաների պատրաստման, պահման կամ օգտագործման մեջ։

Ալի Ինսանովի նկատմամբ խափանման միջոց էր ընտրվել կալանավորումը՝ երեք ամիս ժամկետով։

news.am

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»