Ռուսաստանը չդիմացավ Ուրուգվայի փոքրիկ ճնշմանը

Ֆուտբոլի աշխարհի առաջնության խմբային փուլի վերջին տուրում A խմբում միաժամանակ կայացավ երկու խաղ:

Ռուսաստանի հավաքականն ակնհայտորեն թույլ էր Ուրուգվայի ընտրանուց եւ պարտվեց 3:0 հաշվով:

10-րդ րոպեին տուգանային հարվածից հաշիվը բացեց Սուարեսը, 23-րդ րոպեին Չերիշեւը դարձավ ինքնագոլի հեղինակ, իսկ խաղի ամենավերջում Էդիսոն Կավանին խփեց երրորդ գոլը: 

Շատերի համար անսպասելի Սաուդյան Արաբիան 2:1 հաշվով հաղթեց Եգիպտոսին եւ գրավեց երրորդ տեղը:

22-րդ րոպեին Սալահը առաջ մղեց Եգիպտոսին, 41-րդ րոպեին Ալ Մուվալադը սաուդցիների կազմում չկարողացավ իրացնել 11 մետրոնոցը, բայց արդեն 45-րդ րոպեին Ալ Ֆարաջը 11 մետրոնոցով հավասարեցրեց հաշիվը: Իսկ խաղի ամենավերջում Սալեմ Ալ Դավսարին հաղթանակ պարգեւեց Սաուդիան Արաբիային:

Այս խմբում առաջին տեղը գրավեց Ուրուգվայը, իսկ երկրորդը ռուսաստանցիներն են:

Top-News.am

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով