Ռոնալդուն ցույց է տվել մեծացած երեխաներին (լուսանկար)

Աշխարհի լավագույն ֆուտբոլիստներից մեկը համարվող Կրիշտիանու Ռոնալդուն թեև ակտիվ նախապատրաստվում է Ֆուտբոլի աշխարհի առաջնությանը, այնուհանդերձ՝ կարողանում է ազատ ժամանակ գտնել քաղաքացիական կնոջ ու երեխաների հետ լինելու համար:

Աստղային մարզիկն իր ինստագրամյան էջում նոր ընտանեկան լուսանկար է հրապարակել՝ ցուցադրելով կնոջը՝ Ջորջինա Ռոդրիգեսին, փոխնակ մոր միջոցով լույս աշխարհ եկած երկվորյակներին՝ Եվային ու Մատեոյին, ինչպես նաև իր և Ջորջինայի առաջնեկին՝ Ալանա Մարտինային:

Հայտնի է, որ Ռոնալդուն բազմազավակ հայր է. նրա առաջնեկը՝ Կրիշտիանու Ռոնալդու-կրտսերը, 7 տարեկան է ու ևս ծնվել է փոխնակ մոր միջոցով:

Ի դեպ, փոքրիկ Ալանա Մարտինան աստղի միակ երեխան է, որի մոր ինքնությունը հայտնի է:

Ավելի վաղ տված հարցազրույցներում Ռոնալդուն ասել էր, որ ցանկանում է 7 երեխա ունենալ:

Картинки по запросу cristiano Ronaldo kids