Ամերիկյան կազմակերպությունը մեղադրել է Թուրքիային հաքերային հարձակման մեջ
Ամերիկյան կազմակերպությունը մեղադրել է Թուրքիային հաքերային հարձակման մեջ
Միացյալ Նահանգների «Ի պաշտպանություն քրիստոնյաների» ոչ կառավարական կազմակերպությունը մեղադրել է Թուրքիային իրենց կայքեջի, ինչպես նաեւ աշխատակիցների սոցցանցերի եւ էլեկտրոնային հասցեների դեմ հաքերային հարձակում իրականացնելու մեջ: Կազմակերպության գործադիր տնօրեն Ֆիլիպ Նասիֆի խոսքով, հարձակման արդյունքում, իրենց կայքը, էլեկտրոնային հասցեներն ու սոցցանցերում աշխատակիցների անձնական էջերը մի քանի ժամ անհասանալի էին կամ դրանց վրա տեղադրված էր Թուրքիայի դրոշը.
«Մենք նման գործողություններն անընդունելի ենք համարում: Դրանք եւս մեկ անգամ ապացուցում են, որ Թուրքիայի համար անտանելի է խոսքի ազատությունը»:
Նասիֆը հիշեցնում է, որ ընդամենը մեկ օր առաջ «Ի պաշտպանություն քրիստոնյաների» կազմակերպության նախաձեռնությամբ Միացյալ Նահանգների Սենատում քննարկում էր կազմակերպվել Թուրքիայում մարդու իրավունքների դեմ ճնշումների վերաբերյալ: Քննարկումների ընթացքում ԱՄՆ-ի սենատորներ, միջազգային իրավապաշտպան կազմակերպությունների ներկայացուցիչներ խոսել են Թուրքիայի իշխանությունների կողմից մարդու հիմնարար իրավունքների եւ ազատությունների դեմ իրականացվող լուրջ ճնշումների մասին:
Ասուլիսին գործընկերներին աջակցելու էին եկել նաեւ հայկական եւ հունական կազմակերպությունների ներկայացուցիչները: Վաշինգտոնի Հայ դատի գրասենյակի ղեկավար Արամ Համբարյանի կարծիքով, Թուրքիայի իշխանությունների նման գործելաոճը նոր չէ.
«Այնտեղ, որտեղ Թուրքիայի իշխանությունները չեն կարողանում ճնշել կամ գնել, նրանք փորձում են լռեցնել մարդկանց՝ այդ թվում եւ հաքերային հարձակումների միջոցով»:
Առ այժմ Ֆիլիպ Նասիֆի խոսքով իր կազմակերպությունը զբաղված է հաքերային հարձակման հետ կապված տեղեկությունների հավաքագրմամբ, որից հետո նախատեսում է դիմել ԱՄՆ-ի իրավապահներին՝ գործին իրավական բնույթ տալու եւ մեղավորներին պատասխանատվության ենթարկելու համար.
«Ես նորություն ունեմ Թուրքիայի համար. Այն, ինչ աշխատում է Թուրքիայում, Միացյալ Նահանգներում չի աշխատելու: Մենք շարունակելու ենք պայքարը»:
Նյութը հրապարակելուց առաջ «Ամերիկայի Ձայն»-ը մեկնաբանություններ էր խնդրել նաեւ ԱՄՆ-ում Թուրքիայի դեսպանությունից, որոնք մինչ այս ժամը չէին ստացվել: Նշենք սակայն, որ մեղադրանքները հիմնված են միայն «Ի պաշտպանություն քրիստոնյաների» ոչ կառավարական կազմակերպության հայտարարության վրա, որն առ այժմ իրավապահ մարմիններին չի դիմել:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է