Երուսաղեմում Թրամփի անվան հրապարակ է բացվել

Երուսաղեմում ԱՄՆ դեսպանատան բացման համար նախապատրաստվող տարածքում ԱՄՆ նախագահ Դոնալդ Թրամփի անվան հրապարակ է բացվել, հայտնում է «ՌԻԱ Նովոստի»-ն:

Մոտ 10 քմ տարածքով, ծառերով և ծաղիկներով փոքր հրապարակի կենտրոնում գտնվում է դեկորատիվ օբյեկտ՝ խճանկարով զարդարված խնձոր:

Հրապարակում նաև տեղադրված է «Դոնալդ Թրամփի անվան ԱՄՆ-ի հրապարակ» գրությամբ քարը՝ եբրայերենով, անգլերենով և արաբերենով:

Անգլերենով և եբրայերենով գրված է նաև, որ հրապարակը բացվել է Դոնալդ Թրամփի նախագահության օրոք՝ Երուսաղեմում ԱՄՆ դեսպանատան բացման կապակցությամբ:

Հիշեցնենք, որ Երուսաղեմում այսօր՝ մայիսի 14-ին, կկայանա Թել Ավիվից այդ քաղաք տեղափոխված ԱՄՆ դեսպանատան բացման արարողությունը:

Բացման արարողությանը Վաշինգտոնից ժամանել է մոտ 250 մարդուց բաղկացած պատվիրակություն: Այն կգլխավորի ԱՄՆ պետքարտուղարի տեղակալ Ջոն Սալիվանը:

ԱՄՆ նախագահ Դոնալդ Թրամփը ներկա չի գտնվի։

Բացի այդ, դեսպանատան բացմանն այցելելու են ԱՄՆ նախագահի դուստր և խորհրդական Իվանկա Թրամփը, ինչպես նաև նրա ամուսինը՝ նախագահի ավագ խորհրդական Ջարեդ Քուշները:

Դոնալդ Թրամփի՝ Թել Ավիվից դեսպանատան տեղափոխման որոշումն առաջացրել է պաղեստինցիների վրդովմունքը, որոնք Արևելյան Երուսաղեմը համարում են իրենց ապագա պետության մայրաքաղաքը: Այսօր Իսրայելի և Գազայի հատվածի սահմանին տեղի ունեցած բախումներում առնվազն 16 մարդ է զոհվել:

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Միացյալ Նահանգները և Իսրայելը անցել են Իրանի դեմ իրենց պատերազմի կեսը. Նեթանյահու ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը Հրդեհ Իսրայելի արդյունաբերական գոտում. իրավիճակը վերահսկողության տակ է ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն