Միջուկային գործարքը Իրանին թույլ է տվել երկրի պաշտպանական բյուջեն ավելացնել 40 տոկոսով․ Թրամփ

ԱՄՆ նախագահ Դոնալդ Թրամփը գտնում է, որ Իրանի միջուկային համաձայնագիրը Թեհրանին թույլ է տվել երկրի պաշտպանական բյուջեն ավելացնել ավելի քան 40 տոկոսով։ Համապատասխան գրառումը նա կատարել է իր թվիթերյան էջում։

«Իրանի պաշտպանական բյուջեն ավելացել էր ավելի քան 40 տոկոսով այն ժամանակից ի վեր, երբ ԱՄՆ նախկին նախագահ Բարաք Օբամայի բանակցած միջուկային գործարքը կնքվեց․․․պարզապես հերթական վկայությունը այն բանի, որ այդ ամենը մեծ սուտ է եղել։ Սակայն այժմ այլեւս ոչ»։

Թրամփը նաեւ շնորհակալություն է հայտնել Հյուսիսային Կորեայի իշխանություններին եւ ողջունել է Փհունգերի միջուկային պոլիգոնը փակելու որոշումը։

«Հյուսիսային Կորեան հայտարարել է այն մասին, որ այս ամիս՝ հունիսի 12-ի գագաթաժողովի նախօրեին կչեզոքացնի միջուկային պոլիգոնը։ Շնորհակալություն, շատ իմաստուն եւ ազնիվ ժեստ»,-գրել է նա։

Ավելի վաղ Հյուսիսային Կորեայի ԱԳՆ-ն հայտարարել էր, որ Փհունգերի պոլիգոնի փակման հանդիսավոր արարողությունը տեղի կունենա մայիսի 23-ից 25-ը ընկած ժամանակահատվածում՝ շեշտելով, որ հստակ օրը կախված կլինի եղանակային պայմաններից։

Այս թեմայով Իրանի նախագահ. Թույլ չենք տա օտարերկրացիներին պառակտում սերմանել Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի