Օբաման «լուրջ սխալ» է անվանել իրանական միջուկային ծրագրի համաձայնագրից ԱՄՆ-ի դուրս գալու մասին Թրամփի որոշումը

Միացյալ Նահանգների նախկին նախագահ Բարաք Օբաման լուրջ սխալ է անվանել Իրանի միջուկային ծրագրի համաձայնագրից ԱՄՆ-ի դուրս գալու մասին Դոնալդ Թրամփի որոշումը, գրում է «Ինտերֆաքս» գործակալությունը։

«Ես վստահ եմ, որ Գործողությունների համատեղ համապարփակ ծրագիրը սպառնալիքի տակ դնելու որոշումը՝ առանց Իրանի կողմից համաձայնագրի խախտումների, լուրջ սխալ է։ Առանց Գործողությունների համատեղ համապարփակ ծրագրի՝ ԱՄՆ-ն վերջնական հաշվով կարող է պարտված դուրս գալ Իրանի ձեռքում միջուկային զենքի և Մերձավոր Արևելքում պատերազմի միջև ընտրության հարցում»,- ասվում է նախկին նախագահի հայտարարությունում։

Հիշեցնենք, որ նախօրեին ԱՄՆ նախագահ Դոնալդ Թրամփը հայտարարել է, որ երկիրը դուրս է գալիս Իրանի միջուկային ծրագրի համաձայնագրից։

«Այսօր հայտարարում եմ, որ Միացյալ Նահանգները դուրս է գալու իրանական միջուկային գործարքից»,- ասել է Թրամփը՝ հավելելով, որ հուշագիր կստորագրի առ այն, որ նախկինում սառեցված պատժամիջոցները վերականգնվեն:

«Մենք տնտեսական պատժամիջոցներ կսահմանենք ամենաբարձր մակարդակով: Ցանկացած երկիր, որն օգնում է Իրանին միջուկային զենք ստանալու ձգտման հարցում, նույնպես կարող է խիստ պատժամիջոցների ենթարկվել ԱՄՆ-ի կողմից», - հայտարարել է Թրամփը:

Թրամփի հայտարարությունից հետո Իրանի նախագահ Հասան Ռոհանին ԱՄՆ-ն անվանել է երկիր, որը չի կատարում իր պարտավորությունները:

«Այս պահից սկսած իրանական միջուկային ծրագրի համաձայնագիրը գործում է Իրանի և 5 երկրի միջև»,- ասել է Ռոհանին:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է