«Շիրակը» պատրաստվում է բողոքարկել ՀՖՖ որոշումը
Գյումրիի «Շիրակ» ֆուտբոլի ակումբը պատրաստվում է բողոքարկել Հայաստանի ֆուտբոլի ֆեդերացիայի կարգապահական կոմիտեի կայացրած որոշումը, որի պատճառով թիմից կարող են հանել 12 միավոր եւ զրկել չեմպիոնի կոչումը նվաճելու հնարավորությունից:
«Ի պատասվան ՀՖՖ կարգապահական կոմիտեի նախագահ Ռուբեն Սինոյանի հայտարարությանը՝ ցանկանում ենք ևս մեկ անգամ կրկնել, որ «Շիրակ» ակումբը տեղյակ չի եղել ակումբի աշխատակցի գործողություններից։ Արարատ Հարությունյանը փորձ է արել պայմանավորվածություն ձեռք բերել, և հարց է թե ում նախաձեռնությամբ, «Բանանց» – «Շիրակ» հանդիպման ելքի վրա ազդելու, սակայն այն ոչնչով չի ավարտվել։ «Շիրակի» բոլոր 48 միավորները թիմի ֆուտբոլիստների, մարզիչների քրտինքով արժանվույն վաստակած են։
Նշենք նաև, որ Կարգապահական կոմիտեի նիստին «Շիրակ» ակումբից, որին մեղադրում են պայմնավորված խաղ կազմակերպելու մեջ, ոչ մի ներկայացուցիչ չի հրավիրվել՝ պարզաբանումեր ստանալու համար։ Մենք դա համարում ենք մեր իրավունքների խախտում, հատկապես, երբ որոշումը մեծապես ազդում է ակումբի առաջնության մրցաշարային աղյուսակում դիրքի վրա։
Ակումբի իրավաբաններն արդեն իսկ նախապատրաստել են բոլոր պահանջվող փաստաթղթերը, որոնք կներկայացվեն բողոքարկման։ Հորդորում ենք ֆեդերացիային չկայացնել վերջնական որոշումը և պահպանել բողոքարկման համար տրված 7 օրյա ժամկետը», – նշված է «Շիրակ» ակումբի պաշտոնական հայտարարության մեջ:
Հիշեցնենք, որ «Բանանց» ֆուտբոլի ակումբը մայիսի 4-ին ՀՖՖ-ին հայտնել է, որ թիմի պաշտպան Էդվարդ Կպոդոն մայիսի 3-ին դիմել է ակումբին եւ տեղեկացրել, որ «Շիրակի» մարզիչ Արարատ Հարությունյանի կողմից առաջարկվել է պայմանավորված խաղ կազմակերպել 05.05.2018 թվականին կայանալիք ՀՀ բարձրագույն խմբի «Բանանց» – «Շիրակ» հանդիպման ժամանակ:
ՀՖՖ կարգապահական կոմիտեն մայիսի 5-ին քննարկել է այդ հարցը եւ նույն օրը կայացրել է հետեւյալ որոշումները.
Արարատ Հարությունյանին ցմահ արգելել զբաղվելու որեւէ ֆուտբոլային գործունեությամբ:
«Շիրակ» ՖԱ–ին տուգանել նվազագույն աշխատավարձի յոթհազարապատիկի չափով եւ ՀՀ Ֆուտբոլի բարձրագույն խմբի ընթացիկ առաջնության «Շիրակ» թիմի արդյունքները նվազեցնել 12 միավորով:
Սույն որոշումը կարող է բողոքարկվել ՀՖՖ բողոքարկման կոմիտե այն ստանալու պահից յոթ օրվա ընթացքում:
Դա նշանակում է, որ բողոքարկման վերջին ժամկետը մայիսի 12-ն է:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Դրամն արժևորվում է՝ գները դրամով թանկանում․ ինչո՞ւ
Մունդիալ-2026․ մեկնարկն արդարացնո՞ւմ է սպասելիքները
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
Դեսպան Հովհաննիսյանը վերահաստատել է ՀՀ հանձնառությունը ատելության խոսքի դեմ պայքարին