Էրդողանը կոչ է արել առնվազն 4 երեխա ունենալ
Թուրքիայի նախագահ Ռեջեփ Թայիփ Էրդողանը հայտարարել է, որ ոչ մի մահմեդական ընտանիք չպետք է պլանավորի իր երեխաների քանակը, գրում է T24 կայքը։
Էրդողանը նման հայտարարություն է արել թուրք արվեստագետներից մեկի հարսանիքին, որտեղ հանդես է եկել որպես փեսայի կողմից վկա։
«Ես մի խոսք ունեմ որպես խորհուրդ։ Ասում են՝ եթե մեկը լինի՝ տարօրինակ կլինի (նկատի ունի ընտանիքում երեխաների քանակը), երկուսը լինեն՝ մրցակից կլինեն, երեքը լինեն՝ հավասարակշռություն կլինի, չորսը լինեն՝ առատություն կլինի։ Դրանից հետո էլ արդեն՝ Ալլահն ինչպես կամենա։ Ուժեղ ազգերն ուժեղ ընտանիքներից են ստեղծվում», - ասել է Էրդողանը, ում խոսքերը ծափահարություններով են ողջունել սրահում ներկա գտնվող հյուրերը։
Թուրքիայի ղեկավարը նաև պնդել է, որ տարիներ շարունակ ծննդյան վերահսկողության կարևորության մասին քարոզները հատուկ քաղաքական նպատակներ են հետապնդում, և մահմեդականները չպետք է խաբվեն դրանց։
«Բնակչության պլանավորում, ծննդյան վերահսկողություն և այլն․․․Ոչ մի մահմեդական ընտանիք չի կարող նման հասկացություններով առաջնորդվել։ Եվ այստեղ առաջնահերթ դերը մայրերինն է»,- նշել է Էրդողանը։
Ավելի վաղ Թուրքիայի նախագահը կոչ էր արել թուրքերին առնվազն երեք երեխա ունենալ։
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Ոսկու արժեքը հունվարի 19-ից ի վեր առաջին անգամ իջել է 4․700 դոլարից
Մի շարք հասցեներում լույս չի լինի
Փետրվարի 3-ի գիշերը և առավոտյան սպասվում է մառախուղ
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Երևանի կենտրոնում 81 հա տարածքը գերակա շահ կճանաչվի. Այդ տարածքում բնակվողների տներն ու այգիները կվա...
«Ես ուժեղ եմ քեզնով». Զառա Արամյանի դստեր հուզիչ գրառումը
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի