Իրանում տեղի ունեցած երկրաշարժի հետևանքով տուժածների թիվը գերազանցել է 100-ը

Իրանում տեղի ունեցած երկրաշարժի հետևանքով տուժածների թիվը հասել է 105-ի: Այս մասին հայտնում է իրանական «Թանսիմ» գործակալությունը՝ մեջբերելով շտաբ բուժօգնության կենտրոնի տվյալները:

Նշենք, որ ավելի վաղ հաղորդվում էր 76 տուժածի մասին: Տուժածներից 32-ին հոսպիտալացրել են, 65-ն ամբուլատոր բուժօգնություն է ստանում: Մյուսներին բժիշկները տեղում են օգնություն ցուցաբերել:

Ավելի վաղ ԱՄՆ Երկրաբանական ծառայությունը տեղեկացրել էր, որ վաղ առավոտյան 5.3 մագնիտուդ ուժգնությամբ երկրաշարժ էր տեղի ունեցել Յասուջ քաղաքի հյուսիսարևմտյան շրջանում: