«Ռեալը» հաղթեց, Մխիթարյանի թիմը ոչ-ոքի խաղաց, իսկ «Լիվերպուլը»՝ պարտվեց

Շաբաթ օրը ֆուտբոլի եվրոպական առաջատար առաջնություններում կայացան մի շարք հետաքրքիր եւ կարեւոր հանդիպումներ:

Իսպանիայի առաջնության առաջատարը՝ Մադրիդի «Ռեալը» վերջին երկու անհաջողությունից հետո վերջապես հաղթեց՝ 2:1 հաշվով հաղթելով «Մալագային»:

Առաջին խաղակեսում երկու անգամ գոլի հեղինակ դարձավ Սերխիո Ռամոսը: Հյուրերը պատասխան գոլը խփեցին երկրորդ խաղակեսում:

Արքայական ակումբի երկու հիմնական մրցակիցները՝ «Սեվիլիան» եւ «Բարսելոնան» իրենց հանդիպումները կանցկացնեն այսօր՝ մրցելով «Օսասունայի» եւ «Էյբարի» հետ:

Անգլիայի առաջնությունում Հենրիխ Մխիթարյանի թիմը՝ «Մանչթեսթեր Յունայթեդը» կրկին ոչ-ոքի խաղաց՝ այս անգամ «Սթոք Սիթիի» հետ: Ընդ որում, Ռունին հաշիվը հավասարեցրեց վերջին վայրկյաններին, խփելով Անգլիայի առաջնությունում 250-րդ գոլը եւ գերացանցելով Բոբի Չարլթոնի պատմական ռեկորդը:

Եթե մանչեսթերցիները ոչ-ոքի խաղաց, ապա «Լիվերպուլը» սեփական դաշտում վերցրեց եւ 3:2 հաշվով պարտվեց «Սուոնսիից»:

Ի դեպ, «Մանչեսթեր Սիթի»-«Տոտենհեմ» կարեւոր նշանակություն ունեցող խաղն էլ ավարտվեց 2:2 հաշվով:

Այսպիսով, «Չելսիին» հետապնդող հինգ թիմերից երեքը ոչ ոքի խաղացին, իսկ մեկը՝ պարտվեց: «Չելսին» եւ «Արսենալը» կխաղան այսօր:

Իտալիայի առաջնությունում «Միլանը» Միլանում 2:1 հաշվով պարտվեց «Նապոլիին»:

Գերմանիայի առաջնության 17-րդ տուրում առաջատար «Բավարիան» 2:1 հաշվով հաղթեց «Ֆրայբուրգին», «Լայպցիգը» 3:0 հաշվով հաղթեց «Այնտրախտին» եւ շարունակում է երեք միավորով ետ մնալ առաջատարից: Հենրիխ Մխիթարյանի նախկին թիմը՝ Դորտմունդի «Բորուսիան» մրցակցի դաշտում 2:1 հաշվով հաղթեց «Վերդերին» եւ հայտնվեց չորրորդ տեղում:

Ֆրանսիայի առաջնության առաջատար «Նիսը» 1:1 խաղաց «Բաստիայի» հետ, եւ եթե այսօր «Մոնակոն» հաղթի «Լորիենին», ապա միանձնյա առաջատար կդառնա:

ՊՍԺ-ն երեկ 2:0 հաշվով հաղթեց «Նանտին» եւ շարունակում է պայքարը չեմպիոնության համար:

Պորտուգալիայի առաջնությունում Գեւորգ Ղազարյանի «Մարիտիմոն» 2:2 խաղաց առաջատարներից մեկի՝ «Սպորտինգի» հետ եւ շարունակում է մնալ վեցերորդ տեղում:

Top-News.am

Այս թեմայով