Թրամփը «դիմակազերծման» համար շատ հարմար պահ է ընտրել. Զարիֆ

Իրանի արտաքին գործերի նախարար Ջավադ Զարիֆը պատասխանել է Իսրայելի հայտարարությանն այն մասին, որ Թեհրանը ստում է ռազմամիջուկային ծրագրի հարցով, փոխանցում է «ՌԻԱ Նովոստի»–ն։

Զարիֆը ուշադրություն է դարձրել, որ ԱՄՆ նախագահ Դոնալդ Թրամփը սկսել է վերափոխել հին հայտարարությունները։ Այդ հայտարարությունները, ինչպես շեշտել են Իրանում, ՄԱԳԱՏԵ–ն արդեն ուսումնասիրել է։

«Ինչ հարմար է»,–մեջբերում է գործակալությունը նախարարի խոսքը։

Նա նշել է, որ «դիմակազերծման» համար շատ հարմար պահ է ընտրվել՝ մայիսի 12-ից մի քանի օր առաջ։ Զարիֆը հիշեցրել է այն տղայի պատմությունը, որը բացականչում է՝ «Գայլերը»։

ԱՄՆ նախագահը հայտարարել է, որ Իրանի միջուկային գործարքից դուրս գալու շուրջ որոշումը կկայացվի մայիսի 12–ին, երբ կլրանա Թեհրանից պատժամիջոցների հանման ռեժիմի հերթական ժամկետը։

Հիշեցնենք, որ Իսրայելը հայտարարել է, որ Իրանի հետ միջուկային գործարքը հիմնված է ստի վրա, Թել Ավիվը Վաշինթոնին է փոխանցել հետախուզական տվյալներ Իրանի ռազմամիջուկային ծրագրի մասին։

news.am

Այս թեմայով Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի Խամենեիի խորհրդական Լարիջանին նշանակվել է Իրանի ազգային անվտանգության խորհրդի նոր քարտուղար