Մայք Պոմպեոն մտադիր է մերձավորարեւելյան շրջագայության ժամանակ Իրանի դեմ պատժամիջոցների կոչ անել

ԱՄՆ պետքարտուղար Մայք Պոմպեոն մտադիր է Մերձավոր Արեւելքի երկրներով իր շրջագայության ընթացքում համաձայնեցված միջազգային գործողությունների կոչ անել՝ կապված Իրանի հրթիռային ծրագրի հետ: Նախօրեին նա Սաուդյան Արաբիա է ժամանել, մտադիր է այցելել նաեւ Իսրայել ու Հորդանան:

AP-ն հայտնում է, որ Պոմպեոն Սաուդյան Արաբիային եւ նրա հարեւաններին կոչ է արել կարգավորել Կատարի հետ տարաձայնությունները:

Ըստ գործակալության աղբյուրների՝ Սաուդյան Արաբիայի ղեկավարության հետ հանդիպումների ժամանակ Պոմպեոն միջազգային հանրությանը կոչ կանի իրանցիների, այդ թվում՝ իրանական հրթիռային ծրագրի մեջ ներգրավված բիզնեսի եւ կառավարության ներկայացուցչների դեմ խիստ պատժամիջոցներ սահմանել: Նա ընդգծել է ԱՄՆ հավատարմությունը Սաուդյան թագավորությանը եւ տարածաշրջանի մյուս երկրներին պաշտպանելու հարցում: Պոմպեոն մտադիր է Էր Ռիադի վրա ճնշում գործադրել՝ «Սիրիայում իրավիճակի կայունացման» ուղղությամբ ջանքերը մեծացնելու համար: Դրանից զատ, Պոմպեոն մտադիր է սաուդցիներին հստակ հասկացնել, որ անհրաժեշտ է դադարեցնել Կատարի հետ հակամարտությունը:

Հիշեցնենք, որ անցյալ տարվանից Սաուդյան Արաբիան, Բահրեյնը, Եգիպտոսը եւ ԱՄԷ-ն Կատարի հետ դիվանագիտական հարաբերությունները խզել են՝ նրան մեղադրելով ահաբեկչությանն աջակցելու մեջ: Դոհան բոլոր մեղադրանքները հերքում է:

news.am

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է