ԱՄՆ-ն ողջ աշխարհին կոչ է անում պատժամիջոցներ կիրառել Իրանի հրթիռային ծրագրի հետ կապված անհատներին եւ կազմակերպություններին

ԱՄՆ-ն բանակցում է Եվրամիության երկրների հետ Իրանի հրթիռային ծրագրի դեմ սահմանափակող միջոցներ կիրառելու մասին, որը սպառնում է համաշխարհային անվտանգությանը: Այս մասին Էր Ռիադում հայտարարել է ԱՄՆ պետքարտուղար Մայք Պոմպեոյի ավագ խորհրդական Բրայան Հուկը, հաղորդում է ՏԱՍՍ-ը:

«Մենք կոչ ենք անում բոլոր երկրներին պատժամիջոցներ կիրառել Իրանի հրթիռային ծրագրի հետ կապված ցանկացած անհատների եւ կազմակերպությունների նկատմամբ»,- Reuters-ը մեջբերում է դիվանագետի խոսքը: Այս թեման Բրյուսելում ՆԱՏՕ-ի արտաքին գործերի նախարարների հանդիպման ժամանակ քննարկվել է եվրոպական գործընկերների հետ, ուր ժամանել էր Պոմպեոն:

Շաբաթ ԱՄՆ պետքարտուղարը ժամանել է Էր Ռիադ: Պոմպեոն հանդիպում է ունեցել Սաուդյան Արաբիայի արտաքին գործերի նախարար Ադել ալ Ջուբեյրի հետ` քննարկելով Մերձավոր Արեւելքի օրակարգի առանցքային հարցերը, ներառյալ տարածաշրջանում Իրանի քաղաքականությունը, Սիրիայում, Եմենում իրավիճակը եւ իրանական միջուկային դոսյեն:

news.am

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում