ՄԻԵԴ-ը ճանաչել է ադրբեջանցի իրավաբանների եւ իրավապաշտպանի նկատմամբ խախտումները
Մարդու իրավունքների եվրոպական դատարանը Ադրբեջանի վերաբերյալ 2 որոշում է հրապարակել, Turan-ին հայտնել է փաստաբան Ֆարիզ Նամազլին:
Դրանցից մեկը կապված է իրավաբաններ Անաղի Հաջիբեյլիին եւ Ինթիգամ Ալիեւին Փաստաբանների կոլեգիա ընդունելու մերժման հետ:
Եվրադատարանը, մասնավորապես, ճանաչել է հայցվորների իրավունքների խախտումը Եվրոպական կոնվենցիայի 10-րդ (արտահայտվելու ազատություն), 6-րդ (արդար դատաքննության իրավունք), ինչպես նաեւ 34-րդ (անհատական բողոքի իրավունք) հոդվածներով: Նամազլիի խոսքով՝ 34-րդ հոդվածով խախտման ճանաչումը կապված է այն հանգամանքի հետ, որ 2014 թվականի օգոստոսին Ինթիգամ Ալիեւին կալանավորելիս դատախազության աշխատակիցները նրա գրասենյակից առգրավել են գործի փաստաթղթերը, որը ՄԻԵԴ վարույթում էր: Ստրասբուրգի դատարանը որոշել է՝ հայցվորներից յուրաքանչյուրին փոխհատուցում վճարել 7500 եվրո չափով եւ եւս 2500 եվրո դատական ծախսերի համար:
ՄԻԵԴ երկրորդ որոշումը կապված է 2013-ի դեկտեմբերին իրավապաշտպան Անար Մամեդլիի կալանքի չհիմնավորվածության հետ: Դատարանն այն չհիմնավորված է համարել եւ ճանաչել է նրա իրավունքների խախտումը 5-րդ (ազատության իրավունք) եւ 18-րդ (քաղաքական նպատակներով իրավունքների սահմանափակում) հոդվածներով:
ՄԻԵԴ-ը որոշել է՝ Մամեդլիին վճարել 20 հազար եվրոյի փոխհատուցում եւ եւս 2500 եվրո դատական ծախսերի համար:
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Ոսկու արժեքը հունվարի 19-ից ի վեր առաջին անգամ իջել է 4․700 դոլարից
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Մի շարք հասցեներում լույս չի լինի
Փետրվարի 3-ի գիշերը և առավոտյան սպասվում է մառախուղ
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Երևանի կենտրոնում 81 հա տարածքը գերակա շահ կճանաչվի. Այդ տարածքում բնակվողների տներն ու այգիները կվա...
«Ես ուժեղ եմ քեզնով». Զառա Արամյանի դստեր հուզիչ գրառումը
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի