Դանիական «Հոբրոյի» կիսապաշտպան Էդգար Բաբայան. Մեծ հաճույքով կմիանամ Հայաստանի հավաքականին (Տեսանյութ)
Դանիական «Հոբրոյի» կիսապաշտպան Էդգար Բաբայան. Մեծ հաճույքով կմիանամ Հայաստանի հավաքականին (ֆոտո, վիդեո)
NEWS.am Sport-ի թղթակիցը զրուցել է դանիական «Հոբրոյի» կիսապաշտպան Էդգար Բաբայանի հետ: Ընթացիկ մրցաշրջանում 22-ամյա ֆուտբոլիստը 25 հանդիպում է անցկացրել դանիական Սուպերլիգայում` դառնալով 3 գոլի և մեկ արդյունավետ փոխանցման հեղինակ:
Երիտասարդ կիսապաշտպանը, ով 2016-ին մեկ ընկերական հանդիպման է մասնակցել Դանիայի երիտասարդական հավաքականի կազմում, անհամբերությամբ սպասում է հրավերի` Հայաստանի ազգային հավաքականից:
Էդգար, ընթացիկ մրցաշրջանում դու բավականին հաջող ես հանդես գալիս «Հոբրոյի» կազմում` դառնալով մեկնարկային կազմի խաղացող: Պատմիր ակումբային գործերիդ մասին:
«Ռանդերսից» տեղափոխվեցի «Հոբրո», որովհետև նախորդ ակումբում բավականաչափ խաղաժամանակ չէի ստանում: «Հոբրոյում» ինձ վստահում են, իսկ ես փորձում եմ հնարավորինս օգտակար լինել իմ թիմին: Փառք Աստծո, ամեն ինչ հաջող է դասավորվում:
Մեկ ամիս առաջ դու տպավորիչ հարվածով գրավեցիր ընթացիկ առաջնության առաջատար «Բրոնդբյուի» դարպասը: Կա՞ արդյոք հետաքրքրության Դանիայի ուժեղագույն ակումբների կողմից:
Ներկա պահին կան ակումբներ, որոնք հետաքրքրված են իմ ծառայություններով, սակայն այդ հարցերով զբաղվում է իմ գործակալը:
Երբ դու դեռ խաղում էիր «Ռանդերսի» երկրորդ թիմում, դանիական ակումբի գլխավոր թիմում հանդես էին գալիս Ռոբերտ Արզումանյանն ու Յուրա Մովսիսյանը: Կապ պահպանու՞մ ես նրանց հետ:
Այո, ես ծանոթացա Ռոբերտի և Յուրայի հետ «Ռանդերսում»: Նրանք իմ լավ ընկերներն են: Մինչ այժմ հաճախ շփվում եմ Արզումանյանի հետ:
Որքա՞ն լավ ես դու տիրապետում հայերենին:
Չեմ կարող ասել, որ 100 տոկոսով տիրապետում եմ լեզվին, սակայն բավականին լավ եմ խոսում հայերեն:
Օրերս Հայաստանի հավաքականը կրկին գլխավորեց Վարդան Մինասյանը: Կապնվել են արդյո՞ք քեզ հետ ֆուտբոլի ֆեդերացիայից և որքանո՞վ է հավանական, որ դու կհրավիրվես ազգային թիմի առաջիկա ընկերական խաղերին:
Մի քանի շաբաթ առաջ Դանիայում ես հանդիպեցի հավաքականի նախկին մարզիչ Արթուր Պետրոսյանի հետ, ով նշեց, որ հետևում է իմ մրցելութներին:
Նոր գլխավոր մարզիչի հետ ես առայժմ չեմ զրուցել, սակայն, եթե ինձ հրավիրեն հավաքական, ես մեծ հաճույքով կմիանամ ազգային թիմին:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ