Ես Թրամփին կոչ եմ անում ապրիլի 24-ի ելույթում ճանաչել Հայոց ցեղասպանությունը. Էդ Ռոյս

Ցեղասպանությունը ժխտող Թուրքիայի, Մերձավոր Արեւելքի եւ Եվրոպայի ներկայացուցիչները ամեն կերպ փորձում են խեղաթյուրել պատմությունը Ցեղասպանությունը ներկայացնելով որպես զուտ «պատերազմի հետեւանք»: Այս մասին ապրիլի 18-ին Կոնգրեսում, որտեղ տեղի է ունեցել Հայոց ցեղասպանության զոհերի հիշատակի արարողություն, հայտարարել է Ներկայացուցիչների պալատի անդամ Էդ Ռոյսը:

Նրա խոսքով՝ ճշարտությունը վերապահումների եւ մեղմասության հետ կապ չունի, այն անկախ է, անվախ եւ անհաշտելի եւ այդպիսին պետք է լինի ԱՄՆ-ի վերաբերմունքը Հայոց ցեղասպանության հարցում:

«Այդ պատճառով ես բազմիցս կոչ եմ արել ԱՄՆ վարչակազմին երեւույթներն անվանել իրենց անուններով եւ պաշտոնապես ճանաչել 1915 թվականի բռնությունները որպես Հայոց ցեղասպանություն: Այս շաբաթ ես միացա իմ մի քանի գործընկերներին եւ նամակ գրեցի նախագահ Թրամփին, որտեղ կրկին կոչ արեցի նրան հիշատակել «Ցեղասպանություն» բառը ապրիլի 24-ի ելույթում»,-ասել է նա:

Նրա խոսքով՝ ցեղասպանություն կատարած հանցագործները դեռեւս կարծում են, որ մարդկության դեմ կատարված նրանց հանցագործությունները անպատիժ կմնան», ինչը եւ մենք տեսանք նախկին Հարավսլավիայում, Ռուանդայում եւ այսօր ԻՊ-ի ձեռքում գտնվող Սիրիայում եւ Իրաքում»:

«Մի քանի տարի առաջ ԱՄՆ-ն ավելի քան 117 մլն դոլար օգնություն տրմադրեց 20-րդ դարի առաջին ցեղասպանությունից հետո ողջ մնացածներին: Փաստացի Հայաստանն ընդունել է ավելի քան 22 հազար փախստականների եւ նրանց ապաստան, բժշկական օգնություն եւ քաղաացիություն է տվել: Հետագայում էլ ես աշխատելու եմ Հայոց Ցեղասպանության միլիոնավոր անմեղ զոհերի հիշատակը հարգելու համար»: