«Յուրգորդենի» գլխավոր մարզիչը՝ Յուրա Մովսիսյանի վնասվածքի մասին
Շվեդական «Յուրգորդենի» գլխավոր մարզիչ Օզկան Մելկեմիչելը խոսել է թիմի նորեկ Յուրա Մովսիսյանի վնասվածքի մասին: Նախօրեին հայտնի էր դարձել, որ Հայաստանի հավաքականի նախկին հարձակվողը վնասվածք է ստացել մարզման ժամանակ:
«Վնասվածքի հետեւանքով Մովսիսյանի ոտքն այտուցվել է, նա մարզվել է անհատական ծրագրով: Բժիշկների հետ զրուցելուց հետո հայտնի կդառնա, թե կկարողանա՞ Յուրան մեզ օգնել ԱԻԿ-ի դեմ խաղում»,- մարզիչի խոսքը մեջբերում է fotbolldirekt.se-ն:
Հիշեցնենք, որ ապրիլի 9-ին 30-ամյա Մովսիսյանը մեկ խաղակես էր անցկացրել «Յուրգորդենի» երիտասարդական թիմի կազմում եւ փոխարինվել ընդմիջմանը: Նա դեռ նորամուտը չի նշել գլխավոր թիմում:
Շվեդիայի առաջնությունում «Յուրգորդենը» հաջորդ խաղն անցկացնելու է ապրիլի 15-ին՝ մրցելով ԱԻԿ-ի հետ:
Յուրա Մովսիսյանը վերջերս «Յուրգորդենի» հետ կնքել էր 6 ամսվա պայմանագիր, որն ունի երկարաձգելու հնարավորություն։ Շվեդիայի առաջնության մեկնարկային 2 տուրերին նա չի հայտավորվել։
Հայ հարձակվողի նախորդ ակումբն էր ամերիկյան «Ռեալ Սոլթ Լեյքը», որին նա միացել էր 2016-ին։ Նախկինում նա հանդես է եկել նաեւ ամերիկյան «Կանզաս Սիթիում», դանիական «Ռանդերսում», ռուսական «Կրասնոդարում» ու «Սպարտակում»։ «Ռեալ Սոլթ Լեյքի» կազմում հարձակվողը խաղացել էր նաեւ 2007-2009-ը։
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
Մունդիալ-2026․ մեկնարկն արդարացնո՞ւմ է սպասելիքները
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...