«Մանչեսթեր Յունայթեդը» կփորձի ձեռք բերել «Ռեալի» կիսապաշտպանին

Անգլիական «Մանչեսթեր Յունայթեդն» ամառային տրանսֆերային պատուհանի ժամանակ կփորձի ձեռք բերել Մադրիդի «Ռեալի» կիսապաշտպան Տոնի Կրոսին, հաղորդում է The Independent-ը: Ժոզե Մոուրինյոյի գլխավորած ակումբը նախկինում էլ փորձել է գնել Գերմանիայի հավաքականի խաղացողին, սակայն հաջողության չի հասել: Այդուամենայնիվ, «Մանչեսթեր Յունայթեդը» կշարունակի ջանքեր գործադրել եւ հանդես գալ ավելի խոշոր ֆինանսական առաջարկով:

2014 թվականից Արքայական ակումբում հանդես եկող Տոնի Կրոսը, ընթացիկ մրցաշրջանում մասնակցել է 30 հանդիպման, խփել է 2 գոլ, կատարել է 12 գոլային փոխանցում:

news.am