Apple-ը միլիարդներ կկորցնի iPhone-ների սկանդալից հետո

Apple ընկերության iPhone-ի հին մոդելների մարտկոցների փոխարինման ծախսերը մինչեւ 29 դոլար (79 փոխարեն) նվազեցնելու որոշումը ընկերությանը կբերի 10 միլիարդ դոլար կորստի: Այս եզրակացությունն արել են Barclays բանկի վերլուծաբանները, հաղորդում է Business Insider-ը:

Ավելի վաղ հաղորդվել էր, որ Apple-ը այս քայլին գնում է մարտկոցի աշխատանքը երկարաձգելու նպատակով iPhone-ի որոշ հին մոդելների աշխատանքը դիտավորյալ դանդաղեցնելու պատճառով ծագած սկանդալի ֆոնին։

Վերլուծաբանները նշել են, որ իրենց հետազոտության համաձայն մարտկոցի մաշվածությունը նոր iPhone-ների ձեռքբերման գլխավոր պատճառն է: Հաշվի առնելով, որ մարտկոցի փոխարինումն այժմ ավելի էժան է, փորձագետները կանխատեսում են, որ 2018 թվականին iPhone-ի վաճառքը կարող է նվազել 16 միլիոն միավորով:

«Թեեւ դա կարող է լինել լավ PR քայլ Apple-ի համար, մեզ թվում է, որ սա կարող է բացասաբար ազդել iPhone-ների վաճառքի վրա, քանի որ ավելի շատ օգտատերեր նախընտրում են փոխել մարտկոցը, այլ ոչ թե նոր հեռախոս գնել»,-նշել են փորձագետները:

Նախկինում Apple ընկերությունը ներողություն հայցող մեկնաբանություն էր հրապարակել iPhone-ի որոշ հին մոդելների աշխատանքը դիտավորյալ դանդաղեցնելու համար։

news.am

Այս թեմայով Հայտնի է ցանկացած iPhone կոտրելու միջոցը Apple-ը հասանելի է դարձրել մարդկանց տեղաշարժի մասին վիճակագրական տվյալները Apple-ը միանգամից երկու ոչ թանկ սմարթֆոն է պատրաստում iPhone SE-ին փոխարինելու համար Apple կորպորացիայի բաժնետոմսերի արժեքը նոր ռեկորդ է սահմանել Աշխարհում ամենատարածված iPhone-ի գնի ռեկորդային անկում է գրանցվել