Apple-ը ներողություն է խնդրել հին iPhone-ների աշխատանքի դանդաղման պատճառով

Apple ընկերությունը ներողություն հայցող մեկնաբանություն է հրապարակել iPhone-ի որոշ հին մոդելների աշխատանքը դիտավորյալ դանդաղեցնելու պատճառով, փոխանցում է «ՌԻԱ Նովոստի»-ն:

«Մենք գիտենք, որ ձեզանից ոմանք կարծում են, թե Apple-ն իրենց դավաճանել է: Այս հարցում շատ թյուրընկալումներ են եղել, ուստի մենք կցանկանայինք իրավիճակը պարզաբանել եւ պատմել փոփոխությունների մասին, որոնց վրա աշխատում ենք»,- նշված է հայտարարության մեջ:

Հաղորդվում է, որ մոտ 1 տարի առաջ թողարկված iOS 10.2.1-ի թարմացումը նվազեցնում է iPhone 6, iPhone 6 Plus, iPhone 6s, iPhone 6s Plus եւ iPhone SE մոդելների արտադրողականությունը՝ մարտկոցի աշխատանքի երկարատեւությունը մեծացնելու եւ սմարթֆոնների անսպասելի անջատվելուց խուսափելու համար:

«Չնայած այս փոփոխությունները կարող են աննկատ մնալ, որոշ օգտատերեր, հնարավոր է, հավելվածները բեռնելիս մեծ ժամանակ կորցնեն եւ բախվեն արտադրողականության նվազման այլ դրսեւորումների»,- նշված է հաղորդագրության մեջ:

Ընկերությունում խոստացել են ԱՄՆ-ում հին մոդելների մարտկոցի փոխարինման արժեքը 50 դոլարոց նվազեցնել (79-ից դարձնելով 29): Դրանից զատ, iOS-ի թարմացումը, որը կթողարկվի 2018-ի սկզբին, օգտատերերին ավելի շատ տեղեկություն կտա մարտկոցների վիճակի մասին:

Անցյալ շաբաթ Apple-ը ներողություն էր խնդրել հանուն մարտկոցների ավելի լավ աշխատանքի iPhone-ի որոշ մոդելների արագության դիտավորյալ նվազեցման համար:

news.am