«Վերջին շաբաթներին Իրանը թակարդներ է տեղադրում և լրացուցիչ զինվորական անձնակազմ ու հակաօդային պաշտպանության միջոցներ է տեղափոխում Խարգ կղզի՝ կղզին գրավելու ԱՄՆ-ի հնարավոր գործողությանը նախապատրաստվելու համար։ Թրամփի վարչակազմը քննարկում է ԱՄՆ ուժերըն օգտագործելու հնարավորությունը Պարսից ծոցի հյուսիսարևելյան մասում գտնվող և Իրանի համար կենսականորեն կարևոր տնտեսական ուղի հանդիսացող այս փոքրիկ կղզին գրավելու համար, որի միջով անցնում է երկրի նավթի արտահանման մոտ 90%-ը՝ որպես իրանցիների դեմ լծակ՝ Հորմուզի նեղուցը վերաբացնելու համար»,- գրում է CNN-ը։
Սակայն, նշում է գործակալությունը, ԱՄՆ պաշտոնյաները և ռազմական փորձագետները նշում են, որ նման ցամաքային գործողությունը հղի է զգալի ռիսկերով, ներառյալ՝ ամերիկյան զորքերի շրջանում զգալի կորուստներով։
«Կղզին ունի բազմաշերտ պաշտպանություն, և աղբյուրները հայտնում են, որ վերջին շաբաթներին իրանցիները այնտեղ տեղակայել են լրացուցիչ շարժական հակաօդային պաշտպանության համակարգեր: Աղբյուրները հայտնում են նաև, որ Իրանը միաժամանակ թակարդներ է տեղադրում կղզու շուրջ, դրանց թվում՝ հակահետևակային և հակատանկային ականներ, ներառյալ՝ ափամերձ գծում, որտեղ ԱՄՆ ուժերը կարող են դեսանտային գործողություն սկսել, եթե նախագահ Դոնալդ Թրամփը փորձի ցամաքային հարձակում ձեռնարկել: Նախագահի որոշ դաշնակիցներ լուրջ հարցեր են բարձրացնում նման գործողության անհրաժեշտության վերաբերյալ, քանի որ միայն կղզու հաջող գրավումը չի լուծի Հորմուզի նեղուցի և Իրանի մենաշնորհին առնչվող խնդիրները համաշխարհային էներգետիկ շուկայում»,- հավելել է աղբյուրը:
Մարտի կեսերին, ըստ Դոնալդ Թրամփի, ԱՄՆ-ն արդեն հարվածել է Խարգի ռազմական կայանքներին՝ ոչնչացնելով ականների պաշարները և հրթիռային դիրքերը:
Իսրայելական լրատվամիջոցները հաղորդել են, որ Վաշինգտոնն իր դաշնակիցներին տեղեկացրել է ցամաքային գործողության հնարավորության մասին՝ որպես «վերջին միջոց»՝ Հորմուզի նեղուցում նավարկությունն ապահովելու համար:
NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին
Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի
Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին
Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում
Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին