Իսպանիայում գնացքի վթարի երկրորդ դեպքն է գրանցվել
Իսպանիայում գնացքի վթարի երկրորդ դեպքն է գրանցվել։ Բարսելոնայի մոտակայքում գնացքը բախվել է երկաթուղային գծերի վրա փլուզված պատի փլատակներին։ Վթարի հետևանքով վարորդը զոհվել է, ևս 37 մարդ վիրավոր է։ Նրանցից 5-ի վիճակը ծանր է, հայտնում է BBC-ն։
Վթարը տեղի է ունեցել Իսպանիայի հյուսիս-արևելքում գտնվող Կատալոնիայի Գելիդա համայնքում, որը գտնվում է Բարսելոնայից մոտավորապես 40 կմ դեպի արևմուտք։
Տարածաշրջանային քաղաքացիական պաշտպանության ծառայությունների տվյալներով՝ պատը քանդվել է նախորդ օրը տարածքում տեղացած ուժեղ անձրևի պատճառով։ Կատալոնիայի փրկարարական ծառայությունները տուժածներին օգնելու համար դեպքի վայր են ուղարկել շտապօգնության և հրշեջ 11 մեքենա։
Վթարը տեղի է ունեցել վերջին տասնամյակում երկրի ամենածանր երկաթուղային վթարից օրեր անց։ Անցած կիրակի՝ հունվարի 18-ին, Ադամուսի մոտակայքում գտնվող Կորդոբա նահանգում երկու արագընթաց գնացքների բախման հետևանքով զոհվել էր առնվազն 42 մարդ, տասնյակ մարդիկ վիրավորվել էին։ Այդ աղետի կապակցությամբ Իսպանիայում հայտարարվել էր եռօրյա ազգային սուգ։
Երկու միջադեպերի հետ կապված քննությունը շարունակվում է, և իշխանությունները աշխատում են պարզել իրադարձությունների բոլոր հանգամանքները։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Չորս հայ գերրիներ են վերադարձել Հայաստան
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
Ես ուրախ եմ տեսնել հայ գերիների ազատ արձակումը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ի՞նչ է հայտնի այսօր Սիրիային հանձնված վարձկանների մասին
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Որդու վերադարձի մասին Նիկոլ Փաշինյանի գրառումից են տեղեկացել