Նորակառույց դպրոցներում պատահական դասալսումներ կանցկացվեն. վարչապետը դժգոհեց՝ նոր գույքերը չեն օգտագործում
Հայաստանի վարչապետ Նիկոլ Փաշինյանը դժգոհություն հայտնեց այն փաստի առնչությամբ, որ նորակառույց, հիմնանորոգված դպրոցներին հատկացված նոր գույքերը չեն օգտագործվում։ «Արմենպրես»-ի հաղորդմամբ՝ Փաշինյանը այս մասին ասաց Կառավարության նոյեմբերի 6-ի նիստում:
«Բոլոր նորակառույց և հիմնանորոգված դպրոցներն ապահովվում են նոր գույքով: Ուզում եմ կենտրոնանալ մարզական գույքի, լաբորատոր գույքի վրա: Մտահոգություն ունեմ, թե ինչքանով է այդ գույքը որակով օգտագործվում, ինչքանով է նպաստում կրթական պրոցեսի զարգացմանը: Մտնում եմ նորակառույց դպրոց, որտեղ բոլոր հնարավոր գույքերը դրված են, մտնում եմ մարզական դահլիճ, տեսնում եմ՝ թենիսի սեղանը դրված է բասկետբոլի վահանակի տակ: Բասկետբոլ ինչպե՞ս են խաղալու»,-ասաց Փաշինյանը:
Վարչապետը նաև նկատել է՝ քիմիայի լաբորատորիաների համար սպիտակ խալաթներ են հատկացրել, սակայն այդ խալաթները չեն օգտագործվում:
Նա խոսեց վերահսկողության, դասալսումների անհրաժեշտության մասին: «Այսօրվանից սկսած պատահականության սկզբունքով հատկապես նորակառույց դպրոցներում պետք է դասալսումներ անցկացնենք: Պետք է գնանք, օրինակ, քիմիայի դասին, տեսնենք՝ լաբորատոր գույքն օգտագործվո՞ւմ է, թե՞ ոչ»,-նշեց վարչապետը:
Նա նաև ընդգծեց՝ ֆիզկուլտուրայի դասի համար հատկացված է ծանր մարզագույք, որն ամեն դասի համար պետք է դնել, դասից հետո դնել պահեստ, քանի որ դա ևս կրթական գործընթաց է:
Նորակառույց դպրոցներին հատկացվում է նաև էլեկտրոնային դաշնամուր: Վարչապետը մի դպրոց կատարած այցի արդյունքում պարզել է, որ այդ դաշնամուրը գտնվում է դահլիճին կից պահեստում: «Դա երեխաների համար է: Այդ դաշնամուրը դրված է նրա համար, որ երեխաները նվագեն: Մի պահեք պահեստում, դրեք բեմերի վրա»,-ասաց նա:
Դիմելով մարզպետներին, պատասխանատու բոլոր անձանց՝ վարչապետն ասաց՝ դաշնամուրները պետք է լինեն բեմերի վրա, երեխաները պետք է ստեղծագործելու, դպրոցում երկար մնալու հնարավորություն ունենան, դպրոցի ցնցուղները ևս պետք է օգտագործեն:
Փաշինյանը կարևորեց խնդրի լուծումը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...