Ասպիրինի ցածր չափաբաժնի ամենօրյա ընդունումը կարող է կանխել հաստ աղիի քաղցկեղի կրկնությունը
Օրական 160 միլիգրամ ասպիրին ընդունելը կրկնակի իջեցրել է քաղցկեղի կրկնության վտանգը հաստ աղիի քաղցկեղ ունեցող պացիենտների մոտ՝ PI3K գենի մուտացիայով պայմանավորված, հայտնել են գիտնականները 2025թ. Սան Ֆրանցիսկոյում Աղեստամոքսային քաղցկեղի կլինիկական ուռուցքաբանության ամերիկյան ընկերության սիմպոզիումում:
PI3K մուտացիաները տեղի են ունենում հաստ աղիի քաղցկեղի բոլոր դեպքերի մոտավորապես 30 տոկոսում, նշել են գիտնականները: Դրանք կարող են քաղցկեղը դարձնել ավելի ագրեսիվ եւ դժվար բուժելի:
Հետազոտության արդյունքները հրապարակվել են Journal of Clinical Oncology ամսագրում:
«Ասպիրինն արդյունավետորեն իջեցնում է ռեցիդիվների մակարդակը եւ բարելավում հիվանդություններից զերծ մնալն այս պացիենտների ավելի քան մեկ երրորդի մոտ»,- ասել է Շվեդիայի Կարոլինյան ինստիտուտի վիրաբուժության պրոֆեսոր, առաջատար հետազոտող, դոկտոր Աննա Մարթլինգը:
Հետազոտությունը ներգրավել է ավելի քան 600 պացիենտ Շվեդիայից, Դանիայից, Ֆինլանդիայից եւ Նորվեգիայից հաստ աղիի կամ ուղիղ աղիի քաղցկեղի միջին եւ ուշ փուլով:
Հիվանդներին բաժանել են երկու խմբի՝ երեք տարվա ընթացքում ամեն օր ասպիրին կամ դատարկահաբ ընդունելու համար:
Գիտնականները պարզել են, որ այն պացիենտների մոտ, ովքեր ամեն օր ասպիրին են ընդունել, քաղցկեղի կրկնության ռիսկը դատարկահաբ ընդունածների համեմատ 51 տոկոսով ավելի ցածր է եղել, եթե նրանք ունեցել են PIK3CA մուտացիա: Ասպիրին ընդունող մարդկանց մոտ ռեցիդիվը կազմել է 7,7 տոկոս, դատարկահաբ ընդունողների մոտ՝ 14,1:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...