Դատախազությունը Գոռ Վարդանյանի ֆիլմի ձեռքը կրակն է ընկել
ՀՀ գլխավոր դատախազությունը Գոռ Վարդանյանի «Կայսրության թևեր» ֆիլմի ձեռքը կրակն է ընկել։ Հիշեցնենք, որ ԿԳՄՍ նախարար Ժաննա Անդրեասյանը դիմել էր դատախազություն` հիմնվելով «Հանրապետական մանկավարժահոգեբանական կենտրոն» ՊՈԱԿ-ի եզրակացության վրա, քանի որ ֆիլմը պարունակում է «անչափահասների սոցիալական վարքին բացասական ազդեցություն ունեցող տարրեր, մասնավորապես, կարող է նպաստել ծխախոտի օգտագործման, անհարգալից վերաբերմունքի, ինչպես նաև քրեական ենթամշակույթի տարրերի ընդօրինակման»: Նախարարությունը, հղում անելով «Երեխաների իրավունքների մասին» օրենքի 18-րդ հոդվածի դրույթներին, նշել է, որ արգելվում է երեխայի առողջության և դաստիարակության վրա բացասական ազդեցություն ունեցող բովանդակության տարածումը։
Հիմա դատախազությունը չգիտի՝ ինչ անել այդ դիմումի հետ․ ոչ ուզում է մերժել, ոչ էլ կարող է քրեաիրավական գնահատական տալ, քանի որ նման հիմքեր առկա չեն։ «Ջրից չոր դուրս» գալու և պատասխանատվությունն այլ կառույցի վրա բարդելու համար դատախազությունն էլ իր հերթին դիմել է Բարձր տեխնոլոգիական արդյունաբերության նախարարությանը։ Եվ ասում են, որ ԲՏԱ նախարարությունը որոշակի լիազորություն ունի այս հարցը լուծելու, սրա վերաբերյալ որոշում կայացնելու։
Այս դիմումով աղմուկ հանած և հանրության՝ սերիալներ չսիրող հատվածի հավանությանն արժանացած Ժաննա Անդրեասյանին չնեղացնելու և կտրուկ չմերժելու համար, դատախազությունը մանևրել է` գնդակը նետելով ԲՏԱ նախարար Մխիթար Հայրապետյանի դաշտ։
Գլխավոր դատախազությունից դիմումի վերաբերյալ «Հրապարակ»-ին փոխանցել են. «Միջնորդագրեր են ներկայացվել Բարձր տեխնոլոգիական արդյունաբերության նախարարություն, պատասխանը ստանալուց հետո հանդես կգանք հաղորդագրությամբ»։
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Զորականում ուսանողին ծեծի ենթարկած դեռահասներն ազատության մեջ են
Մայր Աթոռի հայտարարությունը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Քեյթ Միդլթոնը բացահայտել է իր արտաքինի մասին զարմանալի գաղտնիք
54-ամյա Քրիստինա Օրբակայտեն լողազգեստով ցուցադրել է կազմվածքը
Գողերը մտել են ուրիշի տուն և թողել ծաղրական նամակ
Աշակերտները ծեծի են ենթարկել և նվաստացրել Նոյեմբերյանի պետական քոլեջում սովորող տղային. նրանք ձերբակ...