Երեսուներկու ուժեղագույնները սպասում են վիճակահանությանը

Կրեմլի պետական պալատում այս տարվա դեկտեմբերի 1-ին կկայանա ֆուտբոլի աշխարհի 2018թ. առաջնության վիճակահանությունը: Արդեն իսկ թիմերն ըստ իրենց վարկանիշի բաժանվել են չորս զամբյուղների: Առաջին զամբյուղում որպես տանտեր ընդգրկվել է նաեւ Ռուսաստանի հավաքականը:

Ռուսաստանից բացի ուժեղագույնների զամբյուղում ընդգրկվել են նաեւ Գերմանիայի, Բրազիլիայի, Պորտուգալիայի, Արգենտինայի, Բելգիայի, Լեհաստանի եւ Ֆրանսիայի հավաքականները:

Երկրորդ զամբյուղում հայտնվել են Իսպանիայի, Պերուի, Շվեյցարիայի, Անգլիայի, Կոլումբիայի, Մեքսիկայի, Ուրուգվայի եւ Խորվաթիայի հավաքականները:

Երրորդ զամբյուղում են` Դանիայի, Իսլանդիայի, Կոստա Ռիկայի, Շվեդիայի, Թունիսի, Եգիպտոսի, Սենեգալի եւ Իրանի հավաքականները:

Չորրորդ զամբյուղում տեղ են զբաղեցրել Սերբիան, Նիգերիան, Ավստրալիան, Ճապոնիան, Մարոկկոն, Պանաման, Հարավային Կորեան եւ Սաուդյան Արաբիան:

Առաջնությանը կմասնակցի 14 եվրոպական, 5 հարավամերիկյան, 3 կենտրոնաամերիկյան, 5 աֆրիկյան, 5 ասիական (Ավստրալիան ընդգրկված է ասիական գոտում) հավաքական:

Թիմերը կընդգրկվեն ութ խմբում, որից հաջորդ փուլ դուրս կգան երկուական ուժեղագույնները:

Առաջնությունը կմեկնարկի հունիսի 14-ին եւ կավարտվի հուլիսի 15-ին:

Top-News.am

Այս թեմայով Մեկնարկում է ֆուտբոլի աշխարհի առաջնությունը Հայտնի է ֆուտբոլի աշխարհի առաջնության երաժշտական գործիքը (Տեսանյութ) Առաջինը Բրազիլիան է. ԱԱ եզրափակիչ փուլերի դասակարգման աղյուսակը Անգլիան չի բոյկոտի ֆուտբոլի աշխարհի առաջնությունը Ռուսներին բաժին հասան ամենաթույլ մրցակիցները․ վիճակահանությունը կայացավ