Կլիմայի փոփոխությունն անդրադառնում է միջատների երանգավորման և սեռական կյանքի վրա

Ավստրալիայից և Գերմանիայից գիտնականների թիմը պարզել է, որ կլիմայի փոփոխությունն անդրադառնում է միջատների երանգավորման վրա, և ադրյունքում նրանք դժվարությամբ են ճանաչում միմյանց: Դրա մասին ասված է Ecology and Evolution գիտական հադեսում հրապարակված ​​հոդվածում։

Նույնականացման գույների փոփոխությունը որոշ տեսակների շրջանում դժվարացնում է զուգավորման համար զուգընկեր գտնելը, ինչը հանգեցնում է պոպուլյացիայի նվազմանը: Սակայն ներկա պահին, ըստ գիտնականների, խնդիրը դեռ այդքան սուր արտահայտված չէ։ Ընդհակառակը, օրգանիզմների՝ եղանակային պայմաններին հարմարվելու ունակությունը ավելի շուտ կարելի է դրական գնահատել։

Հետազոտողների շրջանում գերակշռող տեսությունն այն է, որ ջերմաստիճանի բարձրացմանը զուգընթաց միջատները ենթարկվում են զգալի էվոլյուցիայի՝ նրանք ավելի քիչ մելանին են արտադրում, ինչը նրանց գույները դարձնում է ավելի բաց կամ վառ: Որպես ասվածի ապացույց՝ նրանք բերում են Հյուսիսային Ամերիկայից Mead's sulphur թիթեռի օրինակը. տարիների ընթացքում տաքացման պատճառով նրա թևերը գնալով ավելի գունատ են դարձել: Միաժամնաակ, որոշ տարածքների բնակիչներ, ընդհակառակը, փոխել են իրենց գույնը՝ ավելի մուգ կամ պայծառ։ Միակ օրինաչափությունը, որը գիտնականները հայտնաբերել են, այն է, որ տաքացումն անդրադառնում է միջատների երանգավորման վրա: Հետազոտության մասնակիցներից մեկը՝ դոկտոր Հեքը խոստովանել է, որ մեխանիզմն այնքան էլ պարզ չէ, և չափազանց մոլորեցնող է։