Բացահայտվել է բաոբաբների ծագման գաղտնիքը
Գիտնականները պարզել են հնագույն բաոբաբների ծագման գաղտնիքը, տեղեկացրել է ВВС-ն։ ԴՆԹ հետազոտությունների համաձայն՝ այդ ծառերը առաջին անգամ հայտնվել են Մադագասկարում 21 միլիոն տարի առաջ։
Ավելի ուշ դրանց սերմերը օվկիանոսային հոսանքները հասցրել են Ավստրալիա, ինչպես նաեւ Աֆրիկա, որտեղ դրանք զարգացել են եւ ունեցել տարբեր տեսակներ։
Հետազոտողները կոչ են անում ակտիվացնել ծառերի պահպանմանն ուղղված ջանքերը, որոնք, նրանց խոսքով, կարող են մոտենալ անհետացման եզրին ավելի շուտ, քան կարծում էին մինչ այժմ։
Դոկտոր Իլիա Լեյչը Կյուի Թագավորական բուսաբանական այգուց հետազոտության վրա աշխատել է ամուսնու՝ պրոֆեսոր Էնդրյու Լեյչի հետ (Լոնդոնի թագուհի Մարիայի համալսարան)։
«Մենք կարողացանք ճիշտ որոշել բաոբաբների ծագումը։ Այդ տվյալները թույլ տվեցին մեզ նոր կարեւոր տեղեկություն ստանալ, որը կօգնի պահպանել դրանք եւ վնասազերծել դրանց ապագան»,- ասել է նա ВВС հեռուստաալիքին։
Հետազոտողներն ուսումնասիրել են բաոբաբների ութ տեսակներ, որոնցից վեցը աճում են Մադագասկարում, մեկը տարածված է ողջ Աֆրիկայում, մյուսը՝ Ավստրալիայի հյուսիս-արեւմուտքում։
Նրանք կոչ են անում բարձրացնել մադագասկարյան անհետացող երկու տեսակների բնապահպանական կարգավիճակը։
Բաոբաբները հայտնի են որպես «կյանքի ծառ» կամ «շրջված ծառ»՝ անսովոր ձեւի եւ երկարակեցության պատճառով։ Դրանք աղետալի վիճակում են կլիմայի փոփոխությունների եւ անտառների համատարած հատման պատճառով։
Բաոբաբները կարող են ապրել հազար տարի՝ հասնելով հսկայական չափերի եւ իրենց ցողուններում մեծ քանակությամբ ջուր կուտակելով, որպեսզի դիմանան չորային սեզոններին։


















































Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)