Հագեցնող սնունդը նվազեցնում է քաղցրեղենի ցանկությունը
Սննդի մեջ ավելի մեծ քանակությամբ հագեցնող, սպիտակուցներով հարուստ մթերքներ ներառելն ավելի արդյունավետորեն է նվազեցնում քաղցրի և բարձր կալորիականությամբ սննդի ցանկությունը, քան սահմանափակող դիետաները: Այս մասին Daily Mail-ին ասել է բրիտանացի սննդաբան Ռոբի Փադիկը։
Բժշկի կարծիքով, ավելի քիչ քաղցրավենիք և այլ «սխալ» սնունդ ուտելու նպատակաուղղված ձգտումը կարող է արդյունավետ արդյունք չտալ։ Բանն այն է, որ խիստ սահմանափակումների պատճառով «արգելված» մթերքներն ավելի ցանկալի են դառնում։ Օրգանիզմի այս արձագանքը կոչվում է հոգեբանական քաղց:
Սննդաբանը պարզաբանել է, որ հաճախ քաղցրի նկատմամբ մեծ հակումը պայմանավորված է ոչ միայն հոգեբանական քաղցով, այլև ֆիզիոլոգիական (իրական) քաղցով։ Սննդի նկատմամբ օրգանիզմի իրական մեծ կարիքն առաջանում է ինչպես սննդանյութերի պակասից, այնպես էլ չափաբաժնի անբավարար չափից:
Քաղցրեղենը չչարաշահելու համար Փադիկը խորհուրդ է տալիս կենտրոնանալ հագեցնող, սպիտակուցներով հարուստ կերակուր ուտելու վրա: Միևնույն ժամանակ անհրաժեշտ է լիարժեք սնվել օրական առնվազն երեք անգամ։ Եթե քաղցր ուտելու ցանկությունը դեռ առաջանում է, սննդաբանը խորհուրդ է տալիս մի փոքր սպասել ու փորձել հասկանալ, թե որն է դրա դրդապատճառը։
Եթե շաքարով հարուստ կերակուր ուտելու ցանկությունն առաջնում է բացասական հույզերը հաղթահարելու անկարողության պատճառով, ապա պետք է ժամանակաչափ դնել և որոշ ժամանակ սպասել (նախքան ուտելը): Ամեն հաջորդ անգամ սպասման ժամանակը պետք է ավելացնել մեկ կամ երկու րոպեով: Այս վարժությունն օգնում է ուշադրությունը շեղել այլ գործողությունների վրա և դադարել «ուտելով» պայքարել հույզերի դեմ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները