Իրանի ռազմական ներկայությունը ծովում մեծանում է

Իրանի ռազմածովային ուժերը բաց ծով է ուղարկել «մարտական եւ ուսումնական» ռազմանավեր այնպիսի խնդրի կատարման համար, որը Իրանի ՌԾՈւ հրամանատար, դերծովակալ Շահրամ Իրանին անվանել է ռազմաթիրախային, տեղեկացրել է Mehr-ը։

Մարտական եւ ուսումնական նավերը՝ «Bushehr»-ը եւ «Tunb»-ը, ուրբաթ դուրս են եկել Իրանի Բանդար Աբաս քաղաքից։

Դերծովակալ Շահրամ Իրանին ասել է, որ իրանցի զինծառայողները ուղարկվում են միջազգային ջրեր եւ օվկիանոսներ՝ «ծանր եւ բազմապլան առաքելություն» կատարելու համար։

«Թշնամական դավադրությունները» նկատի ունենալով՝ հրամանատարն ասել է, որ ՌԾՈւ կուրսանտները ուսուցում կանցնեն ռազմանավերի վրա առաքելության շրջանակում եւ կպատրաստվեն ապագայում պատասխանատու առաջադրանքների կատարմանը։

Նա հիշատակել է նաեւ երկու խոշոր գործողության մասին, որոնք ներառել են ամերիկյան նավթային լցանավի կալանումը, որը խախտել էր Օմանի ծովի տարածքը՝ հայտարարելով, որ Իրանի ՌԾՈւ առաքելությունը «միջազգային եւ քաղաքական նշանակություն» ունի։

Նրա խոսքով՝ ներկայում չորս իրանական մարտական նավեր միաժամանակ կատարում են առաջադրանքներ միջազգային ջրերում։

Այս թեմայով Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի Խամենեիի խորհրդական Լարիջանին նշանակվել է Իրանի ազգային անվտանգության խորհրդի նոր քարտուղար