Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճակում
Հոգեբուժական փորձաքննությունը հաստատել է, որ երգչուհի Լարիսա Դոլինան վաճառել է իր բնակարանը հոգեկան խանգարվածության վիճակում, չնայած խարդախ գործողություններից առաջ նա նման խնդիրներ չի ունեցել։ Այս մասին ասվում է դատարանի որոշման մեջ՝ ռուսական լրատվամիջոցների փոխանցմամբ։
Այն նաև նշում է, որ երգչուհու հոգեկան խանգարումը խոչընդոտել է նրան լիովին գիտակցել իր գործողությունները գործարքի կնքման պահին։
Լարիսա Դոլինայի սխալ պատկերացումը, թե ինքը բնակարանը վաճառում է ֆիկտիվ կերպով՝ խարդախությունը կանխելու համար, և որ գործարքը կչեղարկվի, չի կարող հիմք հանդիսանալ գործարքն անվավեր ճանաչելու համար: Ռուսաստանի Գերագույն դատարանի որոշման համաձայն՝ սա սխալ պատկերացում է դրդապատճառների և հետևանքների, այլ ոչ թե գործարքի բնույթի վերաբերյալ:
Հիշեցնենք, որ 2024 թվականի օգոստոսին հայտնի է դարձել, որ Դոլինան դարձել էր Ուկրաինայից իրեն զանգահարող հեռախոսային խաբեբաների զոհ։ Նրանք ապրիլից մինչև հունիս ամիսները պարբերաբար կապ էին հաստատել նրա հետ՝ հորդորելով նրան իր խնայողությունները փոխանցել ենթադրաբար անվտանգ հաշվի՝ դրանք չարտոնված մուտքից պաշտպանելու համար։ Արդյունքում, երգչուհին իր խնայողությունները փոխանցել էր խաբեբաների կողմից վերահսկվող հաշիվներին և վաճառել իր բնակարանը։ Հասկանալով, որ իրեն խաբել են, նա դիմել է ոստիկանություն։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար