Սուրճը նվազեցնում է Ալցհեյմերի եւ Պարկինսոնի հիվանդությունների առաջացման հավանականությունը
Սուրճը նվազեցնում է Ալցհեյմերի եւ Պարկինսոնի հիվանդությունների առաջացման հավանականությունը։ Սուրճը եւ նրա կենսաբանորեն ակտիվ միացություններն ունեն նեյրոպաշտպանիչ ազդեցություն, ինչը թույլ է տալիս ենթադրել դրանց կանխարգելիչ եւ բուժական պոտենցիալի մասին որոշ նեյրոդեգեներատիվ վիճակների դեպքում։ Այս մասին գրել են Իտալիայի Ֆոջի եւ Բարի համալսարանների գիտնականները սուրճի դրական ազդեցությունների մասին իրենց ընդարձակ գիտական հոդվածում, որը հրապարակվել է Neural Regeneration Research գիտական ամսագրում (զբաղվում է նյարդային համակարգի վերականգնման հարցերով)։
Գիտնականները նշել են, որ կան ոչ քիչ թվով հետազոտություններ, որոնք հաստատում են սուրճի պաշտպանիչ ազդեցությունը Ալցհեյմերի եւ Պարկինսոնի հիվանդությունների դեմ։ Կան մի շարք գիտական աշխատանքներ, որոնք վկայում են այն մասին, որ սուրճը կարող է կանխել այդ հիվանդությունները։
Օրինակ, 2022թ. հրապարակված ուսումնասիրությունները ցույց են տվել, որ սուրճի մշտական եւ չափավոր օգտագործումը 65 տոկոսով նվազեցնում է Ալցհեյմերի եւ 29 տոկոսով՝ Պարկինսոնի հիվանդությունների հավանականությունը։
Այդ պաշտպանական ազդեցությունն առաջին հերթին կապում են կոֆեինի հետ, բայց սուրճի մեջ կան նաեւ կենսաակտիվ այլ նյութեր, որոնք նեյրոպաշտպանիչ էֆեկտ ունեն։ Դրանցից են որոշ պոլիֆենոլները, հիմնականում ֆենոլային թթուները՝ սուրճի, ֆերոլի, ռ-կումարի, քլորոգենային եւ խինինի թթուները։ Հետազոտություններում ցույց է տրվել, որ այդ նյութերը բարելավում են շարժողական եւ կոգնիտիվ ֆունցկիաները ծերանալու եւ դեպրեսիայի դեպքում։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները