Պուջդեմոնը հրաժարվում է Իսպանիայի դատարանում ցուցմունքներ տալուց

Կատալոնիայի պաշտոնանկ արված առաջնորդ Կարլես Պուջդեմոնը հրաժարվում է ներկայանալ Իսպանիայի ազգային դատարան՝ ցուցմունքներ տալու համար: Այդ մասին հայտարարել է քաղաքական գործչի փաստաբանը: Վերջինիս խոսքով, Պուջդեմոնը չի պատրաստվում քաղաքական ապաստան խնդրել Բելգիայի իշխանություններից, սակայն եթե Մադրիդը արտահանձման դիմում ներկայացնի, իրենք այն կբողոքարկեն դատարանում:

Երեկ Իսպանիայի դատարանը ծանուցագրեր է ուղարկել Պուջդեմոնին և Կատալոնիայի արդեն լուծարված կառավարության 13 անդամներին՝ նրանց մեղադրելով հեղաշրջման և պետական միջոցները յուրացնելու մեջ: Եթե Պուջդեմոնն ու նրա աջակիցները վաղը չներկայանան, դատարանը կարող է ձերբակալման որոշում կայացնել և արտահանձման դիմում ներկայացնել, համաձայն եվրոպական օրենսդրության:

Պուջդեմոնի շահերը ներկայացնում է փաստաբան Պոլ Բեքարը, ով տասնամյակներ շարունակ զբաղվել է բասկերի շահերի պաշտպանությամբ: Բելգիայի իշխանություներն ավելի վաղ բազմիցս մերժել են անջատական բասկերին արտահանձնելու՝ Մադրիդի պահանջները:

Այս թեմայով Պուչդեմոնին Իսպանիայում կամ կդատեն կամ չեն դատի Իսպանիայի կառավարությունը հրաժարական տվեց․ նոր վարչապետը կլինի սոցիալիստ Պեդրո Սանչեսը Գերմանիայի դատարանը երկարաձգել է Կառլես Պուչդեմոնի կալանքը Գերմանական դատարանը այսօր կսկսի քննել Կարլես Պուչդեմոնի`Իսպանիա արտահանձնման հարցը Կատալոնիայի խորհրդարանը բողոքարկել է Մադրիդի՝ տարածաշրջանային ճգնաժամի հաղթահարման միջոցառումները